दाङ्गमा विद्यार्थी बोकेको बस दुर्घटना , एक जनाको मृत्यु

तुलसीपुर । तुलसीपुरस्थित पब्लिक ज्ञान ज्योति माविको विद्यार्थी बोकेको बस दूर्घटनामा परेको छ । दुर्घटनामा एक जनाको मृत्यु भएको छ भने १५ जना भन्दा बढी विद्यार्थी घाइते भएका छन् । तुलसीपुर उपमहानगरपालिका वडा नं. १५ तरैयाँमा बिहान प्लस टूका विद्यार्थी लिएर कलेजतर्फ आउँदै गरेको बस दूर्घटनामा परेको हो ।

दुर्घटनाको कारण खुल्न नसकेको इलाका प्रहरी कार्यालय तुलसीपुरका प्रमुख डिएसपी शिवबहादुर सिंहले बताए । घाइतेहरुको राप्ती प्रादेशिक अस्पताल , तुलसीपुर सिटि हस्पिटल र राप्ती लाइफ केयर अस्पतालमा उपचार भैरहेको छ । गम्भिर घाइते ५ जनालाई थप उपचारका लागि नेपालगन्ज रिफर गरिएको छ । दुर्घटनाको थप विवरण आउन बाँकी छ ।- यस अगाडि अन्यथा भएकोमा सच्चाइएको छ । -सम्पादक