नातीनीसँगै हजुरबुवा कक्षा १ मा भर्ना

वैशाख २७,

दार्चुला । दार्चुलामा ४ वर्षका नातीनीसँगै ६५ वर्षका हजुरबुबा पनि विद्यालय भर्ना भएका छन् । शैल्यशिखर नगरपालिका वडा नम्बर ९ मा रहेको शैल्यशिखर आधारभूत विद्यालयमा आफ्नो नातीनीसँगै ६५ वर्षका लालसिंह विष्ट पनि विद्यालय भर्ना भएका  हुन् ।

४ वर्षका नातीनी मनिषा विष्टसंगै लालसिंह विष्ट पनि भर्ना भएको प्रधानाध्यापक कमला विष्टले जानकारी दिईन् । नातीनीलाई शिशु कक्षामा भर्ना गर्न पुगेका विष्ट आफू भने कक्षा १ मा भर्ना भएको प्रधानाध्यापक विष्टले बताए । ६५ वर्षका विष्ट विद्यालय भर्ना भएपछि शैल्यशिखर नगरपालिका वडा नम्बर ५ का वडा सचिव मोहनसिंह डाँगाले अभिभावकत्व ग्रहण गरेका छन् । शैल्यशिखर नगरपालिकाले चालु शैक्षिक सत्रमा ‘हाम्रो नगर, हाम्रो गाउँ, बालबालिकाहरुलाई विद्यालय पुर्‍याउँ’ भन्ने राष्ट्रिय नारासहित भर्ना अभियान चलाएको युवा खेलकुद तथा शिक्षा शाखा संयोजक सुरेन्द्रबहादुर विष्टले बताए ।