थप ३०२ जनामा कोरोना संक्रमण, ७ जनाको मृत्यु

बुटवल । नेपालमा पछिल्लो २४ घण्टामा थप ३०२ जनामा कोरोना भाइरस संक्रमण पुष्टि भएको छ । पछिल्लो २४ घण्टामा देशभरका प्रयोगशालामा गरिएको परिक्षणमा ३०२ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।

योसँगै नेपालमा कुल कोरोना संक्रमितको संख्या २ लाख ६८ हजार ९४८ पुगेको छ । पछिल्लो २४ घण्टामा ४८० जना कोरोना संक्रमणमुक्त भएका छन् । हालसम्म २ लाख ६३ हजार ३४८ स‌ंक्रमणमुक्त भएका छन् । आजको कोरोनाबाट थप ७ जनाको मृत्यु भएको छ । यससँगै नेपालमा कोरोनाबाट ज्यान गुमाउनेको संख्या एक हजार ९ सय ८६ पुगेको छ । नेपालमा हाल संक्रिय संक्रमितको संख्या ३ हजार ६१४ रहेको छ ।