थप ३३६ जनामा कोरोना संक्रमण, ४ जनाको मृत्यु

बुटवल। नेपालमा पछिल्लो २४ घण्टामा थप ३३६ जनामा कोरोना भाइरस संक्रमण पुष्टि भएको छ। पछिल्लो २४ घण्टामा देशभरका प्रयोगशालामा गरिएको परिक्षणमा ३३६ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।

योसँगै नेपालमा कुल कोरोना संक्रमितको संख्या २ लाख ६८ हजार ६४६ पुगेको छ । पछिल्लो २४ घण्टामा २२६ जना कोरोना संक्रमणमुक्त भएका छन् । हालसम्म २ लाख ६२ हजार ८६८ संक्रमणमुक्त भएका छन् । आजको कोरोनाबाट थप ४ जनाको मृत्यु भएको छ । यससँगै नेपालमा कोरोनाबाट ज्यान गुमाउनेको संख्या एक हजार ९ सय ७९ पुगेको छ । नेपालमा हाल संक्रिय संक्रमितको संख्या ३ हजार ७९९ रहेको छ ।