थप ७०८ जनामा कोरोना संक्रमण, ८ को मृत्यु

बुटवल । नेपालमा पछिल्लो २४ घण्टामा थप ७०८ जनामा कोरोना भाइरस संक्रमण पुष्टि भएको छ ।पछिल्लो २४ घण्टामा देशभरका प्रयोगशालामा गरिएको परिक्षणमा ७०८ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।

योसँगै नेपालमा कुल कोरोना संक्रमितको संख्या २ लाख ५९ हजार ५४८ पुगेको छ । पछिल्लो २४ घण्टामा ७३१ जना कोरोना संक्रमणमुक्त भएका छन् । नेपालमा हाल संक्रिय संक्रमितको संख्या ६ हजार ३९६ रहेको छ ।हालसम्म २ लाख ५१ हजार ३१२ स‌ंक्रमणमुक्त भएका छन् । आज कोरोनाबाट थप ८ जनाको मृत्यु भएको छ । यससँगै नेपालमा संक्रमणबाट मृत्यु हुनेको संख्या १ हजार ८४० पुगेको छ ।