लुम्बिनीको दाङ्गमा लागुऔषधसहित ६ जना पक्राउ

दाङ्ग । लुम्बिनी प्रदेशको राजधानी दाङमा लागुऔषध (ब्राउन सुगर) सहित ६ जना पक्राउ परेका छन् । पक्राउ पर्नेमा गढवा गाउँपालिका १ जुरौनी बस्ने वर्ष ३२ का गफुर मिया, राप्ती गाउँपालिका ९ देविकोट बस्ने वर्ष ३७ को सङ्सुलहक मिया, प्युठान सरुमारानी गाउँपालिका १ बाङ्गेसाल बस्ने वर्ष ३० को ईसादिन मिया, सोही ठाँउका वर्ष २८ को अजित मिया, वर्ष २३ को रबिन नेपाली र वर्ष २४ को ईदिस मिया रहेको प्रहरीले बताएको छ।

लागुऔषध कारोबार भईरहेको भन्ने विशेष सूचनाका आधारमा गएको प्रहरी टोलीले उनिहरुलाई गफुर मियाको घरबाट पक्राउ गरेको लुम्बिनी प्रदेश प्रहरी कार्यालय दाङका प्रहरी बरिष्ठ उपरिक्षक एवं प्रवक्ता राजकुमार बैदवारले जानकारी दिएका छन् । उनिहरुको साथबाट ३० ग्राम लागुऔषध (ब्राउन सुगर) समेत बरामद गरिएको प्रहरीले बताएको छ ।