रुपन्देहीकि एक बालिकासहित एकैदिन ८ जनाले गरे आत्महत्या

बुटवल । लुम्बिनी प्रदेशमा सोमबार ८ जनाले आत्महत्या गरेका छन् । प्रदेशमा विभिन्न जिल्लामा गरि ८ जनाले आत्महत्या गरेको लुम्बिनी प्रदेश प्रहरी कार्यालय दाङले जनाएको छ ।

आत्महत्या गर्नेहरुमा रुपन्देहीको लुम्बिनी साँस्कृतिक नगरपालिका–४, अमारी घर भई हाल सोही ठाउँकै महिलवार निरज शाहिको घरमा भाडामा बस्दै आएका पुरुषोत्तम लाल श्रीवास्तवको १४ वर्षीया छोरी खुशी श्रीवास्तब रहेकी छिन् । उनले घरमा कोहि नभएको बेला खाली कोठाको पँखा झुन्ड्याउने सिलिङ्गमा चुन्नी जस्तो देखिने कपडाको पासो लगाई झुन्डी मृत्यु अवस्थामा रहेको प्रहरीले जनाएको छ ।

रुपन्देहीकै शुद्धोधन गाउँपालिका– ६ शिशवा बस्ने २५ वर्षीयकी गिता लोध आफ्नै घरको कोठाको सिलिङ पंखामा पासो लगाई आत्महत्या गरेकी छन् । झुण्डीएको अवस्थामा देखेपछि उनका श्रीमान राम प्रकाश लोधले तत्काल पासो काटी उपचारको लागी भिम अस्पताल भैरहवा ल्याउदै गर्दा बाटोमा नै मृत्यु भएको इलाका प्रहरी कार्यालय छपीयाले जनाएको छ ।

यस्तै कपिलवस्तु विजयनगर गाउँपालिका– ३, मैनारी बस्ने धर्मेन्द्र कुमार चौहानकी श्रीमती बर्ष २६ की सम्झना चौहानले आफ्नै घरको सुत्ने कोठामा फलामको बलोमा सारिको पासो लगाई आत्महत्या गरेकी छन् । झुण्डीएको अवस्थामा देखेपछि उनका श्रीमानले पासो फुकाई मृतकलाई घरमै राखेको खबर प्राप्त हुनासाथ प्रहरी घटनास्थलमा पुगेको थियो । उनको १ छोरी र १ छोरा समेत रहेको प्रहरीले जनाएको छ ।

त्यस्तै बाँकेको राप्तिसोनारी गाउँपालिका– ६ पदनाह बस्ने छबिलाल थारुको ४७ वर्षीय श्रीमति सुन्दरी थारुले आफ्नै घरको भर्याङमा सल(दोपट्टा)ले घाँटीमा पासो लगाई झुण्डीएर आत्महत्या गरेको प्रहरीले जनाएको छ ।

बाँककोे डुडुवा गाउँपालिका–५, नयाँबस्ति बस्ने गंगाराम वलीको २२ वर्षीय छोरा सागर वलीले आफ्नै घरदेखि अन्दाजी २०० मिटर पुर्वतर्फ रहेको सोही ठाउँकै नन्दकिशोर खटिकको गाँईगोठको काठको बलोमा प्लाष्टिकको डोरीले पासो लगाई झुण्डीएर आत्महत्या गरेको प्रहरीले जनाएको छ ।
बाँकेकै नेपालगञ्ज उपमहानगरपालिका– १०, भृकुटिनगर बस्ने बर्ष ५५ को लाल बहादुर थापा मगरले आफ्नै घरमा सल्फास नामक बिषादी सेवान गरेका छन् । उनको उपचारको लागी नर्सिङहोम नेपालगञ्जमा उपचारको क्रममा मृत्यु भएको प्रहरीले जनाएको छ । उनको शबलाई भेरि अस्पताल नेपालगन्जमा राखिएको छ ।

त्यस्तै बर्दियाको मधुबन गाउँपालिका– ५ मा बस्ने ७५ वर्षीय बिरसिंह वलीले आफ्नै घर अगाडी जामुनको रुखमा प्लाष्टिकको नाम्लोले पासो लगाई आत्महत्या गरेका छन् ।

बर्दियाको गुलरिया नगरपालिका–१ मा बस्ने अन्तराम थारुको २३ वर्षीय छोरी आशा चौधरी कृष्णसार संरक्षणको क्षेत्रभित्र मृत अवस्थामा फेला परेकी छिन् । सोमबार दिउँसो घरबाट कोही कसैलाई नसोधी निस्केकी उनी खोजतलास गर्ने क्रममा कृष्णसार संरक्षणको क्षेत्रभित्र मृत अवस्थामा फेला परेको थियो । उक्त स्थानमा ४–५ ठाँउमा बोमिट गरेको स्थान देखिएको र मृतकको मुखमा बिषादीको पाउडर जस्तो देखिएको प्रहरीले जनाएको छ । मृतकले आतमहत्या गरेको हुनसक्ने अनुमान गरिएको छ ।