ज्ञानपुञ्जमा नतिजा प्रकाशन तथा पुरस्कार वितरण

चैत २७,
ग्लोबल आवाज
बुुटवल । बुुटवल उपमहागरपालिका वार्ड नं.११ स्थित ज्ञानपुुञ्ज इ.बो.स्कूूलको वार्षिक नतिजा प्रकाशन तथा पुरस्कार वितरण समारोह–२०७५ सम्पन्न भएको छ । बुधबार सम्पन्न समारोहमा शैक्षिक सत्र २०७५ सालको कक्षा नर्सरीदेखि कक्षा ९ सम्मको कक्षागत नतिजा सार्वजनिकसँगै उत्कृष्ट विद्यार्थीहरुलाई सम्मान तथा पुरस्कार वितरण गरिएको थियो ।

त्यसैगरी विद्यालयमा भएका अतिरिक्त क्रियाकलाप तथा खेलसप्ताहमा उत्कृष्ट हुुने विद्यार्थीहरुलाई सम्मान तथा पुरस्कृत गरिएको थियो । कार्यक्रम विद्यालयका प्राचार्य तोयराम पौडेलको अध्यक्षता,बुटवल उपमहानगरपालिका वार्ड नं.११ का अध्यक्ष रामचन्द्र क्षेत्रीको प्रमुख आतिथ्यता , प्याव्सन प्रदेश ५ का सचिव लालहरी पाण्डे,बुटवल नगर प्याब्सन अध्यक्ष कुलराज शर्मा र औधोगिक सुुरक्षा बल रानीगञ्जका प्रमुख जनक चौधरीको विशिष्ट आतिथ्यमा भएको थियो ।

सो अवसरमा विद्यालयका सह–प्राचार्य हिमलाल न्यौपानेले स्वागत मन्तव्य राख्दै विद्यालयका गतिविधि र प्रगतिबारे प्रकाश पारेका थिए । कार्यक्रम विद्यालयका शिक्षक हरि भट्टराईको सञ्चालनमा भएको थियो ।