अल्फाद्वारा विद्यालयमा सहयोग

ग्लोवल आवाज
फागुन २९,

बुटवल । बुटवल बहुमुखि क्याम्पसका क्रियाशिल विद्यार्थीहरुद्वारा गठीत अल्फा युथ क्लबले मंगलबार सुनवल–२ मुखीयाटोल स्थित एक विद्यालयलाई सहयोग हस्तान्तरण गरेको छ । क्लबले सरस्वती प्रथमिक विद्यालयमा पढ्दै गरेका बाल शिक्षा देखि कक्षा ४ सम्मका विपन्न बालबालीकालाई बुधबार विद्यालयमा आयोजित एक कार्यक्रमका बिच तयारी पोसाक सहित शैक्षिक सामग्री प्रदान गरेको हो ।
क्लबले च्यारीटीमार्फत ५० हजार रुपैंया भन्दा धेरै बराबरको सहयोग रकम जुटाएर सो सामग्रीहरु हस्तान्तरण गरेको थियो । क्लबका अध्यक्ष कृष्ण पाण्डेले विपन्न बालबालीहरुको शैक्षिक बातावरणलाई सहज बनाउने हेतुले शैक्षिक सामग्री हस्तान्तरण गरिएको बताउनुभयो । ५५ जना बालबालीकालाई पोसाक र २३ जनालाई शैक्षिक सामग्री हस्तान्तरण गरिएको अध्यक्ष पाण्डेले जानकारी दिनुभयो । साथै उहाँले क्लबले आगामी दिनहरुमा गरिब तथा असहायहरुको उत्थानका लागि रचनात्मक शैलिमा सामाजिक कार्यहरुलाइ अगाडी बढाउने समेत बताउनुभयो ।
कार्यक्रममा बोल्दै विद्यालयका प्राधानाध्यापक राधिका अर्यालले क्लबले गरेको सहयोगको स्वागत गर्दै विपन्न बालबालीकाको शैक्षिक स्तर उन्नतीको लागि यस्ता सहयोगले निकै महत्वपूर्ण भूमिका खेल्ने बताउनुभयो । क्लबका तर्फबाट अध्यक्ष कृष्ण पाण्डे, सचिब अशोक पोखरेल, अखिलका बुटवल क्याम्पस कमिटिका पूर्वसभापति नविन सारु थापा, सल्लाहकार हिमाल गैरेलगायतको उपस्थितीमा सो सहयोग सामग्री हस्तान्त्रण गरिएको थियो ।