न्यू ईन्भारमेण्टमा ईन्टरयाक्ट रोटरी क्लब

बुटवल । रुपन्देहीको मणिग्राम रहेको न्यू ईन्भारमेण्टले विद्यालय स्तरमा ईन्टरयाक्ट रोटरी क्लवको गठन गरेको छ । विद्यार्थीलाई सामाजिक जीवनमा कसरी अभ्यस्त गराउन सकिन्छ भन्ने विषयमा शुक्रबार विद्यालयमा अध्ययनरत विद्यार्थीसँग(भर्चुअल) माध्यमबाट अन्तरक्रिया गर्ने क्रममा विद्यालयले वर्ष–२०२० का लागि विद्यालय स्तरीय रोटरी क्लबको गठन गरेको हो ।

निश्चल भुसालको अध्यक्षतामा ११ सदस्यीय कमिटी गठन भएको हो । कार्यक्रममा अतिथि केशब भण्डारी तथा कल्पित ज्ञवाली रहेका छन् । क्लव गठन गर्नुको प्रमुख लक्ष्य सामाजिक सेवाका क्षेत्रमा विद्यार्थीलाई सक्रिय सहभागीता गराउनु रहेको शिक्षक तुल्सिराम न्यौपाने बताए । सो कार्यक्रमको सहजीकरण युवा शिक्षाविद् छविलाल श्रिसले गरेका थिए सोहि कार्यक्रममा आर्थिक अनुसन्धान केन्द्रका अध्यक्षले अब नेपाली अर्थतन्त्रलाई समृद्ध र सबल बनाउन युवा विद्यार्थीले गर्नुपर्ने योगदान तथा सम्भावनाका क्षेत्रमा प्रशिक्षण दिएका थिए ।