एवेनेजर एण्ड न्यू भिजन मा.वि. मा वार्षिकोत्सव

फागुन २६,
बुटवल । तामनगर अवस्थित एवेनेजर एण्ड न्यू भिजन माविमा वार्षिकोत्सव , पुरस्कार वितरण तथा अभिभावक दिवश सम्पन्न भयो । उक्त कार्यक्रममा शैक्षिक वर्ष २०७४ सालमा कक्षा नर्सरी देखि १० कक्षासम्म कक्षा प्रथम, द्वितीय र तृतीय स्थान प्राप्त गर्ने सम्पूर्ण विद्यार्थीहरुलाई पुरस्कार वितरण गरिएको थियो ।

कार्यक्रम विद्यालय ब्यवस्थापन समितिका अध्यक्ष सूर्य बहादुर भट्टराईको अध्यक्षता,वुटवल उपमहानगरपालिका शिक्षामहाशाखा प्रमूख लोकराज पन्थीको प्रमुख आतिथ्यता र बुटवल उमनपा वार्ड नं १२ का अध्यक्ष दुर्गाप्रसाद सुबेदीको विशिष्ट आतिथ्यतामा भएको हो ।

सो अवसरमा विद्यालयका प्रिन्सिपल केशव श्रीसले आफ्ना शैक्षिक प्रतिवेदन प्रस्तुत गर्नुभएको थियो । अभिभावकज्यूहरुको उपस्थितिमा बालबालिकाहरुले आफ्ना विभिन्न कला प्रस्तुत गरेका थिए । कार्यक्रममा २०७४ सालको एसईई मा जीपिए–४ ल्याउने अनमोल चालिसेलाई प्रमाणपत्र सहित गोल्डमेडलले सम्मान गरिएको थियो भने अन्य विद्यार्थीहरुलाई प्रमाणपत्र सहित मायाँको चिनो प्रदान गरिएको थियो ।

साथै २०७३ सालका विद्यार्थीहरुलाई पनि सम्मान गरिएको थियो भने शिक्षक तथा कर्मचारिलाई पनि मायाको चिनो र नगदसहित सम्मान गरिएको विद्यालयका सह–प्राचार्य कमल खनालले जानकारी गराए । कार्यक्रम विद्यालयका शिक्षक बालकृष्ण आचार्यको सञ्ञ्चालनमा भएको थियो ।