अनलाइन मार्फत सगरमाथा मा.बि.को नतिजा सार्वजनिक

बुटवल । देवदह ७ शितलनगरमा संचालित सगरमाथा आवासीय मा. बि ले बार्षिक परीक्षा २०७६ को कक्षा प्ले ग्रुप देखि कक्षा नौ सम्मको (कक्षा ८ बाहेक) नतिजा शुक्रबार आफ्नो विद्यालयको एप सगरमाथा एपमा हेर्न सकिने गरि सार्वजनिक गरेको छ।

विद्यालयले ऐपबाट विद्याथीको नतिजा, विद्याथी भर्ना, घरबाटै भुक्तानी गर्न सकिने ब्राइट ओफिस सिस्टम्स प्रा.लि.का प्रमुख कार्यकारी अधिकृत लक्ष्मन गौतमले बताए । कोभिड-१९ को महामारीको कारण लामो समय लकडाउन भइ घरमै बस्नु परेको र आफ्नो बार्षिक परिक्षाको नतिजा के कस्तो भयो हेर्न पनि नपाएको गुनासो बिद्यार्थी एबम अभिभाकबाट आउन थालेपछि तयारी अबस्थामा रहेको नतिजा सार्वजनिकगर्दा विद्यार्थीमा सकारात्मक असर नै पर्न जाने महसुस गरि विद्यालयले शुक्रबार नतिजा सार्वजनिक गर्ने निर्णय गरेको विद्यालयका प्राचार्य कृष्ण प्रसाद पौडेलले बताए ।