एसइइमा सहभागी हुने विद्यार्थीलाई दिप स्कूलकाे शुभकामना

बुटवल । रुपन्देहीकाे बुटवलमा अवस्थित विद्यालयले यश वर्षकाे एसइइ परिक्षामा सहभागी हुने आफ्ना विद्यार्थीहरुलाई सफलताका लागि शुभकामना व्यक्त गरेकाे छ । विद्यालयको कक्षा ९ का विद्यार्थीहरूले आयोजना गरेको उक्त कार्यक्रममा कक्षा १० का विद्यार्थीहरूलाई परीक्षा सफलताको शुभकामना व्यक्त गर्दै कक्षा ९ का विद्यार्थी र विद्यालयद्वारा फरक फरक मायाको चिनो प्रदान गरिएको छ । कक्षा १० का विद्यार्थीहरूले समेत विद्यालय र विद्यालयमा कार्यरत शिक्षक तथा कर्मचारीहरूलाई मायाको चिनो प्रदान गरेका थिए ।

कार्यक्रममा बोल्दै विद्यालय व्यवस्थापन समितिका अध्यक्ष राजेन्द्रप्रसाद ध्वजूले एस.ई.ई. परीक्षा सफलताको शुभकामना दिए । विद्यालयका प्राचार्य टीकाराम न्यौपानेले सफलताका लागि विद्यार्थीहरूले बाँकी समयमा कडा मिहिनेत र धैर्यताका साथ अध्ययन गर्नुपर्ने सुझाव व्यक्त गरे । विद्यालयको कक्षा ९ मा अध्ययनरत छात्रा विमला रानाको अध्यक्षता, विद्यालय व्यवस्थापन समितिका अध्यक्ष राजेन्द्रप्रसाद ध्वजूको प्रमुख आतिथ्यता, प्राचार्य टीकाराम न्यौपाने, उपप्राचार्य त्रय ज्ञानु थापा, कलाधर अर्याल र सुरेन्द्रकुमार शाक्यले शुभकामना व्ययक्त गरे ।

यसैगरी प्लस टु संयोजक वसन्तकुमार जोशी, व्यवस्थापन सङ्कायका संयोजक डी.बी. रायमाझी, विज्ञान सङ्कायका संयोजक कमल नेपाल, कक्षा ९ र १० का संयोजक के.बी. खाम्चा लगायतको आतिथ्यतामा सम्पन्न कार्यक्रममा कक्षा ९ की छात्रा श्रेया के सीले स्वागत र लेवेस्की अधिकारीले शुभकामना मन्तव्य व्यक्त गरे ।