बुटवल बहुमुखी क्याम्पसमा १५ दिन भित्रमा स्ववियूको निर्वाचन गर्न अदालतको आदेश

बुटवल । बुटवल बहुमुखी क्याम्पसमा १५ दिन भित्रमा स्वतन्त्र विद्यार्थी युनियनको निर्वाचन गर्न अदालतले आदेश दिएको छ । 

विहीबार उच्च अदालत तुलसीपुर बुटवल इजलासले  बुटवल बहुमुखी क्याम्पसमा गत चैत ५ गते रोकिएको स्वतन्त्र विद्यार्थी युनियनको निर्वाचन १५ दिनभित्र गर्न उत्प्रेषणयुक्त परमादेश दिएको छ ।

न्यायाधिश नारायणप्रसाद पौडेल र तेजेन्द्रप्रसाद सापकोटा शर्माको संयुक्त इजलासले उक्त आदेश जारी गरेको हो ।

 बहुमुखी क्याम्पसमा अध्यनरत विद्यार्थी नविन खनालले निर्वाचनको माग गरी उच्च अदालतमा रिट दायर गरेका थिए । उनले बुटवल बहुमुखी क्याम्पसका प्रमुख लगायतलाई विपक्षी बनाएर रिट दायर गरेका थिए ।