काठमाडौं । त्रिभुवन विश्वविद्यालयले ट्रान्सक्रिप्ट र प्रोभिजनल सर्टिफिकेटलगायत प्रमाणपत्रका लागि अनलाइनबाटै निवेदन दिन सकिने व्यवस्था गरेको छ ।
सेवाग्राहीलाई कार्यालयमा आउनुपर्ने अवस्था न्यूनीकरण गर्न यस्तो व्यवस्था गरेको त्रिवि परीक्षा नियन्त्रण कार्यालय (पनिका) ले जनाएको छ ।
परीक्षा नियन्त्रक पुष्पराज जोशीका अनुसार अनलाइन सेवाअन्तर्गत विद्यार्थीले ट्रान्सक्रिप्ट, प्रोभिजनल प्रमाणपत्र, पुनर्योग, प्रतिलिपि, करेक्सनलगायत सेवा प्राप्त गर्न सक्ने जनाएको छ ।
त्रिविले आज सोमबार बिहान ११ बजेबाट नै सो सेवा सुचारु गरेको हो । आगामी जेठ १५ गतेबाट त्रिवि पनिका बल्खुबाट दिइने सम्पूर्ण सेवा अनलाइनबाट नै सञ्चालन हुने बताइएको छ ।
युनिकोड
मिति रूपान्तरण
ग्लोबल आवाज
प्रतिक्रिया