बुटवल। नयाँ वर्ष २०८२ को अवसरमा बैशाख १ गते नेपालको चर्चित सांगीतिक समूह कुटुम्ब ब्यान्डले तिलोत्तमामा रहेको लुम्बिनी प्रदेशको पहिलो पाँचतारे होटल ’टाइगर प्यालेस वाइ सोल्टी’ तताउने भएको हो ।
नयाँ वर्षलाई स्वागत गर्दै आयोजना हुन लागेको उक्त साँझमा कुटुम्ब ब्यान्डले लाइभ डान्स र लाइभ डिजे प्रस्तुत गर्ने र त्यसबाट भरपुर आन्नद लिन सकिने होटलका महाप्रबन्धक अग्नीमीत्र शर्माले बताए ।
कुटुम्ब बान्डले लाइभ डान्स अन्तर्गत कल्चरल डान्स, बलिवड डान्स र रिमिक्स डान्स प्रस्तुत गर्ने छ । यसका साथै उक्त साँझमा अन लिमिडेट ल्याभिस फुड काउन्टरको पनि व्यवस्था रहेको महाप्रबन्धक शर्माले बताए ।
कुटुम्व साँझका लागि २ हजार ९९९ रुपैयाँ प्रवेश शुल्क तोकिएको होटलका महाप्रबन्धक अग्नीमीत्र शर्माले बताए ।
कार्यक्रमले आन्तरिक बाह्य पर्यटन पर्वद्धनमा सहयोग पुग्ने भएकाले नियमित रूपमा यस्ता खालका विशेष कार्यक्रमहरू गर्दै जाने तथा यस क्षेत्रको पर्यटन योगदान पु¥याउने लक्ष्य लिएको होटलले जनाएको छ ।
यस अघि होलीको अवसरमा पनि ‘होली पुल पार्टी’ आयोजना गरेको थियो । सो कार्यक्रममा नेपाल तथा भारतका खातीप्राप्त मोडलहरूको र्याम्प वाक, डिजेले सांस्कृतिक प्रस्तुती दिएका थिए ।
सिल्भर हेरीटेजले सुरुवात गरेको यस होटल गैर आवासीय नेपालीहरूको समूहले खरिद गरेसँगै सोल्टी होटलले व्यवस्थापनको जिम्मा लिएको छ ।
सोल्टीले व्यवस्थापन सम्हालेसँगै होटलले आफ्ना सेवा तथा सुविधाहरूमा व्यापक परिवर्तन गर्दै विभिन्न खालका इभेन्टहरूको समेत सुरुवात गरेको छ ।
युनिकोड
मिति रूपान्तरण
ग्लोबल आवाज
प्रतिक्रिया