बुटवल । राष्ट्रिय युवा संघ रुपन्देहीले यही चैत्र २९ गते आयोजना हुन लागेको जागरण भेलाका लागि तयारी सुरु गरेको छ । नेकपा एमालेका अध्यक्ष तथा प्रधानमन्त्री केपी शर्मा ओलीको सहभागितामा आयोजना हुने जागणसभका लागि शनिबार बसेको राष्ट्रिय युवा संघ रुन्देहीको बैठकले युवा परिचालनको तयारी बारे छलफल गरेको हो ।
जागणसभाका दिन रुपन्देहीको भैरहवादेखि बुटवलसम्म मोटरसाइकल र्यालीको आयोजना गर्ने र त्यसका लागि सचिवालय गठन गरी तयारी अगाडि बढाइएको राष्ट्रिय युवा संघ रुपन्देही अध्यक्ष कृष्ण कुमालले जानकारी दिए । र्यालीमा १० हजार बढी युवाहरुलाई सहभागिता गराउने उनले दाबी गरे । राष्ट्रिय युवा संघ केन्द्रीय महासचिव सुमन पुरी, केन्द्रीय सचिवालय सदस्य केशब रोक्का तथा पार्टी जिल्ला अध्यक्ष यज्ञ गैरेको उपस्थितीमा सम्पन्न बैठकले कार्यक्रम तयारी र युवा परिचालन बारे छलफल गरेको थियो ।
बैठकमा राष्ट्रिय युवा संघ केन्द्रीय स्थायी कमिटी सदस्य किरण नेपाल, जिल्ला इन्चार्ज बुद्धि राज थापा, लुम्बिनी प्रदेश अध्यक्ष सुरज खरेल , पार्टी जिल्ला सचिवालय सदस्य तथा क्षेत्र नम्बर २ संयोजक ऋषि पान्डे, पार्टी जिल्ला कमिटी सदस्य नकुल शाही ठकुरी, दिननाथ भट्टराई, निवर्तमान अध्यक्ष दिपक खड्गी, राजेन्द्र ढकाल, इस्वर न्यौपाने, प्रदेश सदस्यहरु सुनिल ओली, बिमल केसि, राज कुमार थापा लगायतले सुझाबसहितको शुभकामना व्यक्त गरेका थिए ।
युनिकोड
मिति रूपान्तरण
ग्लोबल आवाज
प्रतिक्रिया