अक्षर इन्टरनेशनल स्कुलले मनायो वार्षिकोत्सव तथा अभिभावक दिवस

बुटवल । बुटवल कालिकाचोकमा रहेको अक्षर इन्टरनेशनल स्कुलले आफ्नो ११ औं वार्षिकोत्सव तथा अभिभावक दिवस मनाएको छ । विद्यालयले शैक्षिक सत्र २०८१ को पुरस्कार तथा वार्षिकोत्सवको अवसरमा भएका विभिन्न अतिरिक्त कृयाकलापमा उत्कृष्टता हासिल गरेका विद्यार्थीहरुलाई पुरस्कृत गरेको हो ।

विद्यालय संचालक समितिका अध्यक्ष अमरनाथ पाठकको अध्यक्षतामा भएको कार्यक्रममा नेशनल प्याब्सनका केन्द्रीय उपमहासचिव विष्णुप्रसाद पौडेलले समयानुकुल शैक्षिक सिकाई आजको आवश्यकता भएको बताए । उनले समयानुसार विद्यार्थीहरुलाई शिक्षण सिकाई गराउन नसकेमा विद्यार्थीहरु धेरै पछाडि पर्ने उल्लेख गर्दै उनले सूचना र प्रविधिको विकाससँगै विद्यार्थीलाई पनि दुरुस्त सिकाइमा सक्रिय बनाउन आग्रह गरे । उनले साना बालबालिकाहरुलाई इलेक्ट्रिक ग्याजेटहरुको प्रयोगले मोबाईल एडिक र एकोहोरीने जस्ता समस्या देखिने भएकाले यसतर्फ ध्यान दिन अभिभावकको ध्यानाकर्षण गराए ।

कार्यक्रममा नेशनल प्याब्सनका केन्द्रीय सदस्य बिलप्रसाद गुरुङ, नेपाल पत्रकार महासंघका सहसचिव झविन्द्र देवकोटा, पुस्तक ब्यवसायी गोपालप्रसाद बस्याल, अक्षर एकेडेमीका प्रिन्सिपल रुपा श्रेष्ठ पाठक, अक्षर इन्टरनेशनल स्कुलका प्रिन्सिपल साधना भण्डारी, विद्यालयका ऐकेडेमिक कोर्डिनेटर प्रतिक्षा शर्मा, शिक्षक दिपा पराजुली, अभिभावक तुल्सीराम पोखरेललगायतले विद्यार्थीले उत्कृष्ट शैक्षिक सफलता हासिल गर्नका लागि विद्यार्थी, शिक्षक र अभिभावक सबैको उत्तिकै भूमिका र लगन हुन आवश्यक रहेको बताए । शिक्षक दुर्गा सापकोटा तिवारीको संचालनमा भएको कार्यक्रममा विद्यार्थी तथा अभिभावकहरुले विभिन्न प्रकारको साँस्कृतीक प्रस्तुती तथा नृत्य प्रस्तुत गरेको शिक्षक शिला कोइरालाले जानकारी दिइन् ।