ताजा अपडेट »

करियर प्लानिङमा विद्यार्थीहरुको बिदाई तथा शुभकामना कार्यक्रम

शुक्रबार, २२ चैत्र २०८१, २० : ३२
20 Shares
शुक्रबार, २२ चैत्र २०८१
20 Shares

बुटवल । करियर प्लानिङ एजुकेशन नेटवर्क प्रालिले आफ्नो कार्यालयबाट उच्च शिक्षाकालागि बैदेशिक यात्रामा जान सफल विद्यार्थीहरुको विदाई तथा शुभकामना आदानप्रदान कार्यक्रम गरेको छ । प्रालिले शुक्रबार बुटवलमा एक कार्यक्रम गरेर उच्च शिक्षाकालागि जापान जान पासआउट भएका ७७ जना विद्यार्थीहरुलाई बिदाई सहित शुभकामना आदानप्रदान कार्यक्रम गरेको हो । 

प्रालिका संस्थापक गोविन्द बस्नेतको अध्यक्षतामा भएको कार्यक्रममा नेपाल शैक्षिक परामर्श ब्यवसायी महासंघका केन्द्रीय सदस्य तथा ईक्यान रुपन्देहीका संस्थापक देवबहादुर कुँवरले कार्यक्रमको उद्घाटन गर्दै उच्च शिक्षाकालागि जापान जान लागेका विद्यार्थीहरुलाई शैक्षिक सफलताको शुभकामना दिए । उनले उच्च शिक्षाका लागि ठूलो युवा जमात वैदेशिक यात्रामा निस्कनु सुखद् विषय नभएको उल्लेख गर्दै दक्ष र क्षमतावान युवालाई स्वदेशमै राख्ने र अडाउने वातावरण सृजना गर्न राज्यसँग माग गरे । 

प्रालिका संचालक तुल्सी पौडेलको स्वागतमा भएको कार्यक्रममा ईक्यान रुपन्देहीका अध्यक्ष गिरीराज पाण्डे, नेपाल पत्रकार महासंघका सहसचिव झविन्द्र देवकोटा, थाइरो ल्याब बुटवलका संचालक दिपु केसी, रमेश लम्साललगायतले उच्च शिक्षाका लागि जापानको यात्रातय गरेका विद्यार्थीलाई शुभकामना तथा बधाई दिँदै करियर प्लानिङले विद्यार्थीको साच्चीकै करियर बनाउन सफल भएकोभन्दै प्रशंसा गरे । 

संचारकर्मी सुमन श्रेष्ठको संचालनमा भएको कार्यक्रममा कलाकारहरु सम्झना रनपाल, लक्ष्मी भुसाल, बविता धिताल, शिल्पा मगरलगायतका कलाकारहरुले आआफ्नो प्रस्तुती देखाएका थिए भने प्रालिले पासआउट भएका ७७ जना विद्यार्थीलाई बिदाई एंव सम्मान गरेको थियो ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।