छविलाल जोशीलाई थुनामा पठाउने जिल्ला अदालतको आदेश सदर

बुटवल। गोरखा मिडिया नेटवर्कका तत्कालीन सञ्चालक छविलाल जोशीलाई सहकारी ठगी प्रकरणमा थुनामा पठाउने रुपन्देही जिल्ला अदालतको आदेश सदर भएको छ ।

उच्च अदालत तुलसीपुरको बुटवल इजलासले  शुक्रबार  उनलाई थुनामा पठाउने जिल्लाको आदेश सदर गरेको हो । तर, रास्वपाका सभापति रवि लामिछानेलाई धरौटीमा रिहा गर्ने जिल्लाको आदेश भने बदर भएको छ ।

न्यायाधीशद्वय रमेश ढकाल र स्वीकृति पराजुलीको संयुक्त इजलासले यस्तो आदेश गरेसँगै अब रवि पुर्पक्षका लागि जेल चलान हुने भएका छन् ।

जिल्लाको आदेशविरुद्ध रविले जिल्लाको आदेश बदरको माग गर्दै र छविले धरौटीमा रिहाइ गर्न माग गर्दै उच्चमा पुनरावेदन गरेका थिए ।