होलिल्याण्ड किड्स एकेडेमीको १८ औं वार्षिकोत्सव

बुटवल । बुटवलको सुख्खानगरमा रहेको होलिल्याण्ड किड्स एकेडेमीले १८ औं वार्षिकोत्सव तथा दिक्षान्त समारोह सम्पन्न गरेको छ । एकेडेमीले शुक्रबार एक समारोह बिच १८ औं वार्षिकउत्सव तथा दिक्षान्त समारोह सम्पन्न गरेको हो ।

कार्यक्रममा एकेडेमीमा विभिन्न समयमा गरिएको खेलकुद, साँस्कृतिक कार्यक्रमसहित अतिरिक्त क्रियाकलापमा सफल भएका बालबालिकालाई पुरस्कार र प्रमाणनपत्र वितरण गरिएको एकेडेमीका प्राचार्य रूपा सिंजालीले बताईन । एकेडेमीमा दिवा आवासीय सुबिधासहित प्ले ग्रुप, नर्सरी, एलकेजी र यूकेजीसम्मको अध्यापन भैरहेको सिंजालीले बताईन ।

कार्यक्रम एकेडेमीका अध्यक्ष अजिता श्रेष्ठको अध्यक्षता, बुटवल उपमहानगरपालिका वडा नं ८ का अध्यक्ष यज्ञ पंगेनीको प्रमुख आतिथ्यता, दीप बोर्डिङ हाई स्कूलका उपप्रार्चय सुरेन्द्र कुमार शाक्य, एकेडेमीका प्राचार्य रूपा सिंजाली, अनु रजक लगायतको उपस्थितिमा सम्पन्न भएको थियो भने सञ्चालन महेश खनालले गरेका थिए ।