काठमाडौँ । दुर्गेश थापाको अहिलेको चर्चित गीत ‘दुस्मन हेरेको हेर्यै’ युट्युबमा ५ करोड क्लबमा प्रवेश गरेको छ । रिलिज भएको ३ महिनामा नै गीतले युट्युबमा पाँचकराेड पटक हेरीएकाे गीतका रूपमा यो उपलब्धि हासिल गरेको हो । आफूलाई गायक भन्दा पनि परर्फमर भन्न रुचाउने दुर्गेश थापाको यो गीतले अहिले हरेक स्टेज तताइनै रहेको छ ।
गीतको सफलताबारे जानकारी दिँदै थापाले सामाजिक सञ्जालमा लेखेका छन्, ‘ तपाईँहरूको माया, साथ, र समर्थनले हाम्रो दुस्मन हेरेको हेरै गीत तिन महिनामै ५ करोड क्लबमा प्रवेश गरेको छ तपाईँहरूको साथ सपोर्टको नतिजा हो यो, नेपाली गीतसङ्गीतलाई यो स्थानसम्म पुर्याइदिने दर्शक श्रोतालाई मुरी मुरी धन्यवाद, आगामी दिनमा अझ राम्रा गीतहरू ल्याउनेछु । तपाईँहरूको माया र साथ सधैँ रहोस् ।’
गीतमा थापासहित आनन्द कार्की, समीक्षा अधिकारी र एलिना चौहानको स्वर रहेको छ । त्यस्तै, म्युजिक भिडियोमा प्रियंका कार्की, कविता नेपाली, पेमा लामा र सहदेव श्रेष्ठको अभिनय रहेको छ ।
पछिल्लो समयको अत्यन्तै चर्चित र हिट गीतका रूपमा रहेको यो गीत साना देखि ठुला सम्म सबैको मुखमा झुन्डिएको पाइन्छ । यसै गीत मार्फत दुर्गेश थापाको साङ्गीतिक करियरले नयाँ फड्को समेत मारेको छ ।
युनिकोड
मिति रूपान्तरण
ग्लोबल आवाज
प्रतिक्रिया