ताजा अपडेट »

तिलोत्तमा गोल्डक कप : शनिबार रोकिएकोसहित आज दुई खेल हुँदै

आइतबार, १० चैत्र २०८१, ०७ : ४९
96 Shares
आइतबार, १० चैत्र २०८१
96 Shares

बुटवल । २३ औँ संस्करणको तिलोत्तमा गोल्ड कप नकआउट फुटबल प्रतियोगितामा आज दुई खेल हुँदै छन् । शनिबार उद्घाटन खेलको पहिलो हाफपछि मौसम प्रतिकुलताका कारण स्थगित खेल पनि आज पुनः हुँदै छ । 

शनिबार स्थगित सशस्त्र प्रहरी बल एपीएफ क्लब र आयोजक रुपन्देही ११ बीच विहान ८ बजे बाँकी खेल हुँदै छ भने दिउँसो चर्च ब्याईज युनाईटेड ललितपुर र नेपाल पुलिस क्लब, काठमाण्डौका बिचमा हुँदैछ । शनिबारको खेलमा सशस्त्र प्रहरी बल एपीएफ क्लबले रुपन्देही-११ लाई १-० गोलको अग्रता लिएको छ । निक्कै प्रतिस्प्रर्धात्मक खेलमा १७ औ मिनेटमा एपीएफका क्याप्टेन हरि कार्कीले गोल गर्दै टिमलाई अग्रता दिलाए । रुपन्देही ११ का गोल रक्षक विशाल सुनारलाई बचाउको कुनै अवसरनै नदिई उनले उत्कृष्ट गोल गरेका थिए । 

चार विदेशी खेलाडीसहित मैदानमा उत्रिएको रुपन्देही ११ ले गोल गर्ने उत्कृष्ट अवसरहरुलाई गुमाएको थियो । खेलको ३२ औँ मिनेटमा रुपन्देही ११ का विदेशी खेलाडी लार्वाफ्लोरेनले गरेको उत्कृष्ट प्रहारलाई एपीएफले गोलमा परीक्षण हुन दिएन । यसैगरी ३५ औँ मिनेटमा एपीएफले गोल गर्ने उत्कृष्ट अवसर गुमाएको थियो । ४२ औँ मिनेटमा एपीएफका अनिश महर्जनले गरेको प्रहारलाई रुपन्देहीका खेलाडीले विफल पारिदिए । लगत्तै रुपन्देही ११ ले एपीएफमाथि दबाब बनाउँदै विदेशी खेलाडी वपेयमीले गरेको प्रहार एपीएफका गोल रक्षक विशाल गुरुङले विफल पारिदिए ।  राम्रो अवसरहरु गुमाएको आयोजक करेन्ट रुपन्देही –११ खेलमा दबाबमा रहेको थियो । दोस्रो हाफ शुरु भएसंगै हावाहुरीका चलेपछि खेल रोकियो । लामोसमय मौसम प्रतिकुल भएपछि खेल स्थगित गर्ने निर्णय भएको संघका अध्यक्ष लोक पुनले बताए ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।