विकास बहुद्देश्यीय सहकारीद्वारा रक्तदान

बुटवल ।  विकास बहुद्देश्यीय सहकारी संस्था लिमिटेडले स्थापना दिवसमा रक्तदान कार्यक्रम गरेको छ ।  तिलोतमा १ ड्राइभरटोल रहेको सहकारीले शनिबार आफ्नो ३२ औ स्थापना दिवस तथा ६८ औ राष्ट्रिय सहकारी दिवसको रक्तदान कार्यक्रम गरेको हो ।

संस्थाले सामाजिक उत्तरदायित्व अवधारणा र रगतको कमिलाई मध्यनजर गर्दौ रक्तदान कार्यक्रमको आयोजना गरेका हो । सो कार्यक्रमा बोल्दै प्रमुख अतिथि  कलाधर पाण्डेले संस्थाको विगत स्थापनादेखि हालसम्म संस्थाले खेल्दै आएको भुमिका बारे चर्चा गरे । 

साथै कार्यक्रम अध्यक्ष मित्र बन्धु न्यौपानेले संस्थाले यस वर्षदेखि संस्था स्थापना दिवसमा विविध कार्यक्रम गर्ने कार्यको सुरुवात गरेको र आगामी दिन समेत कार्यक्रमलाई निरन्तरता दिने बताए ।  

सो कार्यक्रमा शेयर सदस्य तथा शुभचिन्तकहरु को उल्लेख्य उपस्थित थियो । कार्यक्रमले ४० युनिट रगत रक्तदाताहरु बाट सङ्कलन गर्दै कार्यक्रम सम्पन्न भएको थियो ।