बुटवल । रूपन्देहीमा रात्रीकालीन बजार सञ्चालनको माग गर्दै बुटवल उपमहानगरपालिकासहित चार स्थानीय तहले जिल्ला प्रशासन कार्यालयमा ज्ञापनपत्र बुझाएका छन् ।
ज्ञापनपत्र बुझाउनेमा बुटवल उपमहानगरपालिका, तिलोत्तमा नगरपालिका, सिद्धार्थनगर नगरपालिका र सैनामैना नगरपालिका रहेका छन् ।
जिल्ला समन्वय समिति रूपन्देहीका प्रमुख उमाकान्त चपाईसहित बुटवल उपमहानगरपालिकाका नगर प्रमुख खेलराज पाण्डेय, तिलोत्तमा नगरपालिकाका नगर प्रमुख रामकृष्ण खाँण, सिद्वार्थनगर नगरपालिकाका प्रमुख इस्तिहाद अहम खाँ र सैनामैना नगरपालिकाका नगर प्रमुख फणीन्द्र शर्माको टोलीले आज दिउँसो रूपन्देहीका प्रमुख जिल्ला अधिकारी बासुदेव घिमिरेलाई ज्ञापन पत्र बुझाएको हो ।
बुटवलको कालिका पथमा रात्रीकालीन बजार सञ्चालन गर्ने बिषयमा सरोकारवालाहरूबीच पटकपटक छलफल भइ सहमति भए पनि अझैसम्म कार्यान्वयन हुनसकेको छैन ।
सरोकारवावाहरूसँग पटकपटक छलफलपछि बुटवल उपमहानगरपालिकाले बुटवलको कालिकापथमा रात्रीकालीन तथा ट्राफिक चोक र अमरपथमा राति ११ बजेसम्म बजार सञ्चालन गर्ने योजना अगाडि सारेको नगर प्रमुख पाण्डेयले जानकारी दिए ।
रात्रीकालीन बजार सञ्चालन गर्ने उदेश्यले प्रस्तावित क्षेत्रमा हाइमास्ड लाइट,सिसिटिभि क्यामेरा जडानलगायतका पुर्वाधार तयार भइरहेको उनले बताए ।
युनिकोड
मिति रूपान्तरण
ग्लोबल आवाज
_FCWHq2RVhb.jpg)
प्रतिक्रिया