पाल्पाकी देवकली बुटवलको चाँदवारीबाट हराईन, खोजी गरिदिन छोरीको अपील

बुटवल । पाल्पा तिनाउ २,बडहरेकी देवकली सोमै (गाहा) मगर फागुन १ गते विहिवार दिउँसोदेखि उपचारको क्रममा बुटवल चाँदबारी नजिकै रहेको एक  फार्मेसीबाट हराएकी छिन् । 

करिव तीन वर्षदेखि मानसिक समस्याले ग्रसित उनी उपचारको क्रममा हराएकी हुन् । उनकी छोरी जमुनाका अनुसार आमा देवकलीले ओैषधी खाईरहन्थिन् । तर पछि धार्मिक गतिविधिमा सरिक भई दौडधूपमा रहँदा निरन्तरता दिन नसकी रोग बल्झिएको  उनको भनाई छ ।

विरामीलाई क्लिनिकमा राखी आफू पिसाव गरी फर्कि आउँदा विरामी विपत्ता भएको उपचार गर्न आएका जमुनाका भेना प्रदीप  थापाले बताए । 

होचो कदकी ५६ वर्षिया देवकली हराएको खबर सम्बन्धित सुरक्षा निकायमा जाहेरी दिएपनि हालसम्म कहिंकतै नभेटिएको छोरी जमुनाले बताएकी छिन् । साथै जमुनाले आफ्नी आमाको खोजबिन गरिदिनु हुन सबैसँग अपील गरेकी छिन् ।