ब्रिटिस ग्रामर स्कुल रुपन्देहीले तेस्रो साहित्यिक महोत्सव गर्दै

रुपन्देही । ब्रिटिस एजुकेसन ग्रुपको व्यवस्थापनमा सञ्चालित ब्रिटिस ग्रामर स्कुल रुपन्देही (नमस्ते एकडेमीमा)  सरस्वती पूजाका अवसरमा यही माघ २१ गते नयाँ विद्यार्थीहरुको अक्षरारम्भ साथै साहित्यिक महोत्सव हुने भएको छ ।

वरिष्ठ लेखक तथा साहित्यकार  जंगबहादुर  शाहको प्रमुख आतिथ्यतामा सम्पन्न हुने उक्त कार्यक्रममा मोफसलका साहित्यिक व्यक्तित्वहरूले विद्यालयका साहित्य अनुरागी विद्यार्थीहरुसित छलफल गर्ने कार्यक्रम रहेको विद्यालयका प्राचार्य दिलबहादुर  बुढाथोकीले जानकारी दिए । साहित्य समाजको ऐना हो । यसले विद्यार्थीलाई सृजनशील बनाउँछ । यसै कुरालाई मनन गरी यो कार्यक्रम आयोजना गरिएको हो प्राचार्य बुढाथोकीले भने ।

कार्यक्रममा मूलत पुस्तक लेखन , कथा लेखन  र पुस्तक प्रकाशनका विषयमा विद्यार्थी र साहित्यकार विचमा छलफल हुने विद्यालयले जनाएको छ । साहित्यिक महोत्सवमा नेपाली साहित्यमा  युवाको भूमिका ,लेखक कसरी बन्ने ,आर्ट अफ स्टोरी टेलिङ्गको महत्व र शैली, कविता वाचन कला शीर्षकमा साहित्यकार र विद्यार्थी बिचमा परिचर्चा गरिने व्यवस्थापक उमेश कँडेलले  जानकारी दिए ।

अहिलेका बालबालिका साहित्यप्रति विशेष अभिरुचि राख्दछन् । उनीहरुका श्रृजनाको प्रदर्शनी पनि यो महोत्सवको विशेष आकर्षण रहने विद्यालयले जनाएको छ । पठन संस्कृतिप्रति पनि ब्रिटिस ग्रामर स्कुल रुपन्देहीका  बालबालिका उत्साहित रहेका छ्न । स साना विद्यार्थीले आफूले पढेका पुस्तकहरुको रिभ्यु समेत उक्त महोत्सवमा हुनेछ ।

नमस्ते  एकेडेमीकी कक्षा १० मा अध्ययनरत विद्यार्थी  प्रशान्त  चौधरीले सृजना  गरेको पुस्तक The voice within me, कक्षा ७ का विद्यार्थी  समशीतोष्ण अर्यालको Echo of Dragon´s flame र प्राइमरी  तहका ३२ जना विद्यार्थीको सयुक्त पुस्तक Whispers of young minds को विमोचन  र उक्त पुस्तकहरुको समीक्षा समेत महोत्सवमा  हुनेछ ।

कार्यक्रममा  लेखक र बालसाहित्यकारका बिचमा अन्तरक्रिया  हुनेछ । साहित्यिक महोत्सवमा  विद्यार्थीका रुचि र स्तर अनुसारका पुस्तक प्रदर्शनी  हुने  संस्थापक प्राचार्य राजेन्द्र कुँवरले बताए ।

नेपाली संस्कृति, कला ,साहित्य, भेषभुषा र परम्पराको जगेर्ना गर्ने उद्देश्य सहित आयोजना हुने यस कार्यकममा सरस्वती बन्दना सहित विविध नेपाली लोक सांस्कृतिको पनि पदर्शनी हुनेछ ।  कक्षा नर्सरीदेखि कक्षा १२ सम्मका साहित्यप्रेमी बालबालिकाले आआफना बाल प्रतिभाहरु प्रस्तुत गर्न यो महोत्सव  उक्त  दिन अक्षरारम्भ गर्ने तथा सिट बुकिङ  गर्ने विद्यार्थीलाई  भर्ना शुल्क छुट गरिएको  विद्यालयले जनाएको  छ।