मिडवेस्टका विद्यार्थीसङ प्रहरीको सचेतनामुलक कार्यक्रम

दाङ । इलाका प्रहरी कार्यालय खिलतपुरले मिडवेस्ट प्वाइन्ट एकेडेमी शान्तिनगर– ७, खैरेनी दाङका विद्यार्थीसङ लागू औषध नियन्त्रण सम्बन्धी सचेतनामूलक कार्यक्रम सम्पन्न गरेको छ ।

इलाका प्रहरी कार्यालय खिलतपुर दाङको आयोजना तथा मिड वेस्ट प्वाइन्ट एकेडेमीको सहकार्यमा लागू औषध नियन्त्रण सम्बन्धी सचेतनामूलक कार्यक्रम र्‍याली तथा कोणसभा गरी सम्पन्न गरिएको हो । बढ्दो लागू औषध नियन्त्रणका लागि विद्यार्थी मार्फत सचेतनामुल कार्यक्रम गरिएको विद्यालयका प्राचार्य विर बहादुर घर्तीले बताए।

युवाहरू लागू औषध दुर्व्यसनीमा दिनप्रतिदिन फसिरहेको अवस्थामा विद्यार्थी मार्फत सबैलाई सचेत गराइएको उनले बताए । किताबमा पढेको कुरा व्यवहारमा लागु आवश्यक रहेको प्राचार्य घर्तीले बताए ।विद्यालयबाट सुरु गरिएको सचेतनामूलक र्‍याली रगैजा बजारमा आई कोणसभामा परिणत भएको थियो ।

कार्यक्रममा शान्तिनगर गाउँपालिका वडा नं. ५ का वडा अध्यक्ष ओेपेन्द्र बहादुर रावत, इलाका प्रहरी कार्यालय खिलतपुरका प्रमुख खिम बहादुर खड्का, शान्तिनगर गाउँपालिका स्वास्थ्य शाखा प्रमुख घनश्याम पाण्डे, विद्यालयका प्रिन्सिपल वीर बहादुर घर्ती एवम् विद्यार्थी लगायतले बोलेका थिए ।

विद्यार्थीहरूले लागू औषध सम्बन्धी विभिन्न सचेतनामूलक प्लेकार्ड सहित लागू औषध नियन्त्रण सम्बन्धी नारा लगाएका थिए ।