यस्ताे छ चलचित्र ‘लाज शरणम्’को सार्वजनिक टिजर (भिडियाे)

काठमाडाैं ।यसवर्षको बहुप्रतिक्षितचलचित्र ‘लाज शरणम्’को सार्वजनिक टिजर सार्वजनिक भएको छ। सार्वजनिक टिजरमा चलचित्रका अधिकांश मुख्य कलाकारलाई देखाइएकाे छ। वैदेशिक रोजगारका लागि घर छोड्न लागेको छोरालाई कुनै समस्या नपरोस भनेर बुवाले गरेको कामनासँगै टिजर सुरूवात हुन्छ।

विदेश गएको छोरो कफिनमा फर्किएपछिको तनावसँगै टिजर अगाडि बढ्छ। देशमा व्यप्त  गरिबी र बरोजगारी संगै बैदेशीक राृजगारीका बाध्यता र त्यसले नागरिकमा पारेकाे दुःख यो चलचित्रले भन्ने टिजरले संकेत गरेको छ। चलचित्र ‘लाज शरणम्’ हास्य टेलिश्रृंखला ‘सक्किगोनि’को टिमले बनाएको चलचित्र हो। लेखक, कलाकारदेखि निर्देशकसम्म यो चलचित्रमा ‘सक्किगोनि’ टिमका रहेका छन।

यस चलचित्रमा सिताराम कट्टेल (धुर्मुस), मुकुन्द श्रेष्ठ, महेश त्रिपाठी, विजय बराल, अपर्ण थापा, रेणू योगी, विजय लामा, माला लिम्बू, ‘सक्किगोनि’ टिमका कलाकार अर्जुन घिमिरे (पाँडे), सागर लम्साल (बले), हरिष निरौला (क्रकोज), प्रियाना आचार्य (मुन्नी’ कमलमणि नेपाल (खुपीका बाउ) लगायतको प्रमुख अभिनय रहेकाे छ।

जेपिटी क्रियसनको ब्यानरमा निर्माण भएको यस चलचित्रमा नवीन श्रेष्ठ निर्माता, राम नरेश शाह र सृजना खड्का सह–निर्माताको रूपमा रहेका छन्।  सुदीप बरालले खिचेको चलचित्र चलचित्रमा  कुमार कट्टेल ‘जिग्री ब्रो’ को निर्देशन रहेको छ।

यो चलचित्र फागुन १४ गते महाशिवरात्रिको अवसरमा रिलिज हुनेछ।