त्रिकोणत्मक टी-२० आई सिरिज : नेपालले टस जित्यो, नेदरल्याण्ड्सले पहिले ब्याटिङ गर्दै

बुटवल । नेपालसहित नेदरल्याण्ड्स र थाइल्याण्ड बीचको त्रिकोणात्मक टी २० आई सिरिज आजदेखि काठमाडौंमा सुरु भएको छ । नेपाली महिला क्रिकेट टोलीले आज पहिलो खेलमा नेरल्याण्ड्सविरुद्ध पहिलो फिल्डिङ गरेको छ । 

कीर्तिपुरस्थित टियु मैदानमा घरेलु टोली नेपालले टस जितेपछि फिल्डिङ रोजेको हो । सिरिजमा नेपाल र नेदरल्याण्ड्सका साथै थाइल्याण्डको सहभागिता छ । 

नेपालले घरेलु भूमीमा दोस्रो पटक टि ट्वान्टी आई सिरिज खेल्न लागेको हो । यसअघि नेपालले सन् २०२२ को मेमा युगान्डासँग ५ खेलको टि ट्वान्टी आई सिरिज खेलेको थियो । महिला टि ट्वान्टी आई वरियतामा नेपाल २०औं तथा नेदरल्याण्ड्स १६औं स्थानमा छ । थाइल्याण्ड १३औं स्थानमा छ । सिरिजमा सहभागी टोलीले एकअर्कासँग समान ३ पटक खेल्नेछन् । लिग चरणको अंक तालिकाको शीर्ष स्थानमा रहने टोली विजेता बन्नेछ ।

नेपाली महिला टोली : इन्दु बर्मा९कप्तान०, बिन्दु रावल, सम्झना खड्का, कविता कुवँर, ममता चौधरी, पुजा महतो, राजमती ऐरी, रुविना क्षेत्री, कविता जोशी, रोमा थापा, मनिषा उपाध्याय, अलिसा कुमारी यादव, रेवती धामी, इश्वरी बिष्ट र सिता राना मगर

सिरिजमा नेपाली टोलीको खेलतालिका :

३० जनवरी ९माघ १७ गते० – नेदरल्याण्ड्ससँग      १ फेब्रुअरी ९माघ १९ गते० – थाइल्याण्डसँग
२ फेब्रुअरी ९माघ २० गते० – नेदरल्याण्ड्ससँग      ४ फेब्रुअरी ९माघ २२ गते ० – थाइल्याण्डसँग
५ फेब्रुअरी ९माघ २३ गते० – नेदरल्याण्ड्ससँग     ७ फेब्रुअरी ९माघ २५ गते०– थाइल्याण्डसँग