बुटवल । प्याव्सन लुम्बिनी प्रदेशको अध्यक्षमा पुनः लालहरि पाण्डे निर्वाचित भएका छन् ।
पाण्डे २१७ मत प्राप्त गर्दै निर्वाचित भएका हुन् । अध्यक्ष पदका अर्का प्रत्यासी लेखनाथ पौडेलले कुल १३७ मत प्राप्त गरे । यसैगरि वरिष्ठ उपाध्यक्षमा धनराज चापागाई निर्वाचित भएका छन् ।
चापागाईले २११ मत प्राप्त गरे भने उनका प्रतिस्पर्धी केशव सापकोटाले १४४ मत पाए । सचिवमा यमबहादुर रावतलाई पछि पार्दै कृष्णप्रसाद शर्मा निर्वाचित भए । शर्माले १८७ मत प्राप्त गर्दा रावतले १७१ मत प्राप्त गरे ।
कुल १२ पदमा सर्वसम्मतका लागि प्रयास भएपनि सम्भव नभएपछि अध्यक्ष लगायत ३ वटा पदका लागी मतदान भएको थियो । बाँकी अन्य पदमा भने सहमतिबाट टुङ्गो लागेको थियो। अधिवेशनको उद्धघाटन लुम्बिनी प्रदेशका स्वास्थ्यमन्त्री खेम बहादुर सारुले गरेका थिए ।
युनिकोड
मिति रूपान्तरण
ग्लोबल आवाज
प्रतिक्रिया