लागूऔषधसहित रुपन्देहीका एक युवा स्याङ्जाबाट पक्राउ

पोखरा । लागूऔषधसहित स्याङ्जाबाट एक युवा पक्राउ परेका छन् । रुपन्देहीको सिद्धार्थनगर नगरपालिका– १३ देवकोटाचोकका १९ वर्षीय अंगत सेन्चुरी अबैध लागूऔषध पोखरा ल्याउँदै गर्दा स्याङ्जामा पक्राउ परेका हुन् ।

सोमबार राती ९ बजे बुटवलबाट पोखरा जाँदै गरेको हाइसमा सवार सेन्चुरीलाई सिद्धार्थ राजमार्ग अन्तर्गत स्याङ्जाको पुतलीबजार नगरपालिका– १ बसपार्कमा सवारीसाधनहरु चेकजाँच गर्ने क्रममा पक्राउ गरिएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक हरिप्रसाद पौडेलले जानकारी दिए । अभियुक्त सेंचुरीको साथबाट नाइट्राभेट–१० नामक नियन्त्रित लागूऔषध २० पत्ता बरामद भएको र सो सम्बन्धमा आबश्यक अनुसन्धान शुरु गरिएको प्रहरीले जनाएको छ ।