बुटवल बहुमुखीमा बिजनेश ह्याकाथन, प्रदेश भित्रका २० क्याम्पसको सहभागिता रहने

बुटवल । पश्चिम नेपालकै सबै भन्दा ठूलो क्याम्पस बुटवल बहुमुखीमा बिजनेश ह्याकाथान हुने भएको छ । विविए विद्यार्थी क्लब, बुटवल बहुमुखी क्याम्पसको आयोजनामा उद्यमी र उद्यमशीलता विकास लागि ‘बिजनेश ह्याकाथन २०२५’ हुने भएको हो । 

मंगलबार पत्रकार सम्मेलनको आयोजना गरि कार्यक्रमको सम्पूर्ण तयारी पुरा भएको कार्यक्रम संयोजक तृप्ती न्यौपानेले बताइन् । माघ १७ गतेदेखि २६ गतेसम्म संचालन हुने प्रतियोगितामा लुम्बिनी लुम्बिनी प्रदेश भित्रका २० क्याम्पसका विद्यार्थीहरु सहभागि हुने उनले बताइन् । 

प्रदेश भित्रका विभिन्न क्याम्पसका विद्यार्थीहरुको नेतृत्व, भातृत्व तथा व्यक्तित्व विकासमा टेवा पुराउने उद्धेश्यले प्रतियोगिताको आयोजना गरिएको अध्यक्ष सन्देश पोखरेलले बताए । साथै उनले प्रतिभाशाली युवाहरु  विदेशमा राम्रो अवसरका लागि वर्षेनी जाने गरेकोले व्यवसाय, उद्योगका साथै अर्थतन्त्रमा नै असर पुराएकाले  उद्यमशिलताको सम्भावना अन्वेषण गर्न प्रतियोगिताले सहयोग पुग्ने बताए । 

प्रतियोगितामा विजेता हुनले नगद ३५ हजारसहित ट्रफि, प्रमाणपत्र प्राप्त गर्ने कार्यक्रम संयोजक न्यौपानेले बताइन् । यस्तै प्रथम उपविजेता, दोस्रो उपविजेताले क्रमशः १५ हजार, ७ हजार ५०० सहित ट्रफि, प्रमाणपत्र प्राप्त गर्ने छन् । 
यस्तै क्याम्पस प्रमुख डा. अरुणकुमार क्षेत्रीले विद्यार्थीहरुले गर्न लागेको प्रतियोगितालाई सफल बनाउनका लागि सिङ्गो क्याम्पसले सहयोग गर्ने बताए ।

साथै प्रतियोगिता गर्न अपुग हुने सबै रकम क्याम्पसले उपलब्ध गराउने समेत उनले बताए । साथै क्याम्पस प्रमुख क्षेत्रीले बुटवल बहुमुखीमा पढाईको स्तर राम्रो हुँदा हुँदै पनि बाहिर नकारात्मक सन्देश गएकाले आफुले सो प्रबृतिलाई निस्तेज पार्ने बताए । 

प्रतियोगिता सम्पन्न गर्नका लागि ४ लाख खर्च लाग्ने अनुमान गरिएको कार्यक्रम संयोजक न्यौपानले बताइन् ।