मोदीसँगको फोन संवादपछि ट्रम्पले भने- भारतले अवैध आप्रवासी लानेछ

काठमाडौं । भारतका प्रधानमन्त्री नरेन्द्र मोदीसँगको टेलिफोन संवाद पछि अमेरिकी राष्ट्रपति डोनाल्ड ट्रम्पले भारतले आफ्ना अवैध आप्रवासी लाने बारेमा बोलेका छन् ।

भारतको मिडिया टाइम्स अफ इण्डियाका अनुसार मोदीसँग कुराकानी भएपछि मङ्गलवार ट्रम्पले भने, ‘भारतले आफ्ना अवैध आप्रवासी लान के गर्दा राम्रो हुन्छ त्यही गनेछ ।’

मादीसँगको वार्ता पनि ट्रम्पले यस्तो भन्नु अगाडि आफ्ना अमेरिकी समकक्षीसँगको कुराकानीमा भारतका विदेशमन्त्री एस जयशंकरले पनि भारतले आफ्ना अवैध आप्रवासीहरू ल्याउन तयार भएको बताएका थिए ।
ट्रम्प र मोदीको फोन संवादमा दुई देशको व्यापार, अमेरिकाबाट भारतले खरिद गर्ने सुरक्षा सामाग्री लगायत मुद्दामा छलफल भएको ह्वाइट हाउसले उल्लेख गरेको छ ।

ह्वाइट हाउसका अनुसार दुई नेताले हिन्द प्रशान्त क्षेत्रका सुरक्षा, भारतका प्रधानमन्त्रीको आसन्न अमेरिकाको भ्रमणको बारेमा पनि कुराकानी भएको छ ।

यस्तै यही वर्षको अन्ततिर भारतले पहिलोपटक आयोजना गर्न लागेको क्वाड बैठकको बारेमा पनि छलफल भएको बताइएको छ ।

अमेरिका सहित एसियाका तीन शक्ति भारत, जापान र अस्ट्रेलियाको लुज गठबन्धनलाई क्वाड नाम दिइएको छ ।