बद्री पंगेनी र समीक्षा अधिकारीको स्वर रहेको गीत ‘कन्या राशि’ करोड क्लबमा प्रवेश गरेको छ। झण्डै २ महिनाअघि सार्वजनिक भएको गीतलाई एक करोड ४३ हजारपटक हेरिसकिएको छ। गायिका समीक्षा अधिकारीले आफ्नो गीत करोडपटक हेरिएपछि फेसबुकमा खुसी साटेकी छिन्।
‘सांगीतिक यात्राको क्रममा धेरै अग्रज कलाकारसँग सहकार्य गर्ने भाग्यमानी अनुज कलाकार हुँ म। तर धेरै समय अगाडिदेखि आदरणीय दाइ बद्री पंगेनीसँग सहकार्य गर्ने चाहना थियो। त्यो पनि पूरा भयो। अझ खुसीको कुरा, हाम्रो गीत कन्या राशिलाइ एक करोड भ्युज प्राप्त पनि भएको छ,’ उनले लेखेकी छिन्।
बद्री पंगेनी युट्युब अकाउन्टमार्फत सार्वजनिक भएको गीतमा नारायण ज्ञवालीको शब्द रहेको छ। बद्रीकै संगीत रहेको गीतमा श्यामश्वेत रसाइलीले म्युजिक एरेन्ज छ। यसै गीतबाट बद्रीकै छोरी बिहानी पंगेनीले मोडलिङमा डेब्यु गरेकी छन्। बद्रीकै निर्देशनमा बनेको भिडिओमा बिहानीसहित प्रभातपाल ठकुरी फिचर्ड छन्।
https://www.youtube.com/watch?v=Z4wEJ2BOd6E&t=11s
युनिकोड
मिति रूपान्तरण
ग्लोबल आवाज
प्रतिक्रिया