गायिका मेलिना राईको इन्गेजमेन्ट फोटो सार्वजनिक

काठमाडौं । गायिका मेलिना राई विवाह बन्धनमा बाँधिने तयारीमा छिन्। उनले ध्रुब गुरुङसँग इन्गेजमेन्ट गरेकी छन्, जुन बिहीबार सम्पन्न भएको बताइएको छ। इन्गेजमेन्टको फोटो सार्वजनिक भएको छ, जसमा मेलिना परम्परागत पहिरनमा सजिएकी छिन्।

शुक्रबार, १७ जनवरी, उनीहरूको विवाह समारोह आयोजना हुने खबर छ। गोकर्णेश्वरमा हुने उक्त वैवाहिक कार्यक्रम परिवार र नजिकका इष्टमित्रलाई निम्तो गरिएको छ।

मेलिना राई युट्युबमा सर्वाधिक हेरिएको गीत ‘कुटुमा कुटु’ सहित दर्जनौं सुपरहिट गीतहरूको गायिका हुन्। त्यस्तै, उनी हाल ‘द भ्वाइस अफ नेपाल सिजन ६’ को कोचको रूपमा सहभागी भएकी छिन्। उक्त रियालिटी शोको प्रसारण शुक्रबारदेखि शुरू हुने पनि जानकारी प्राप्त भएको छ।