उद्योग वाणिज्य संघ कृष्णनगरको अध्यक्षमा रितेश शर्मा विजयी

कृष्णनगर । उद्योग वाणिज्य संघ कृष्णनगरको निर्वाचनमा  अध्यक्ष पदमा रितेश शर्मा विजयी भएका छन् ।  

 कुल खसेको ४२५ मत मध्ये अध्यक्षमा १७७ मत ल्याई शर्मा विजयी भएका हुन् भने उनका प्रतिद्वन्द्वी उद्योग वाणिज्य संघ कृष्णनगरको निवर्तमान अध्यक्ष रामकुमार गुप्ता १२५ मत पाएका हुन साथै अर्का उम्मेदवार पुर्व अध्यक्ष गुरुशरण सिंह उर्फ बन्टी सरदार ८४ मत ल्याए ।  त्यस्तै सोहि पदमा श्रवण कुमार सुरेकाले १९ मत र शंकर प्रसाद शर्माले १७ मत प्राप्त गरेका छन् ।

वरिष्ठ उपाध्यक्षमा नसरुल्लह खां २१८ मत प्राप्त गरेर निर्वाचित भएका हुन । त्यस्तै उपाध्यक्षमा रविन्द्र गुप्ता १९३ मत , महासचिवमा हरिओम तुल्स्यान २५३मत ,सचिवमा ऋषभ अग्रवाल २२९ मत प्राप्त गरेर निर्वाचित भएका हुन ।

सदस्यहरुमा अशिष गोयल, विरेन्द्र मौर्य, बैजनाथ अग्रहरी, पवन अग्रवाल, सन्दिप जयसवाल लगायत १२ जना सदस्य निर्वाचित भएका मुख्य निर्वाचन अधिकृत अधिवक्ता ओमप्रकाश अर्यालले जानकारी दिए।