‘आगो ताप्नु र चुरोट तान्नु फोक्सोका लागि घातक’

डा.प्रतिक वाग्ले ललितपुरस्थित पाटन स्वास्थ्य विज्ञान प्रतिष्ठान अस्पतालमा विशेषज्ञ डाक्टरका रुपमा कार्यरत छन् । पल्मोनरी एण्ड क्रिटिकल केयर विज्ञका रुपमा सक्रिय उनी सन् २००७ देखि सोही अस्पतालमा विभिन्न जिम्मेवारी सम्हालिरहेका छन् । फोक्सो रोगीको चेकजाँच साथै संघन कक्षमा पनि जिम्मेवारीमा रहेका उनीसँग नेपाल न्यूज बैंकसँग जाडो याममा फोक्सोमा आइपर्ने समस्या, समाधान, निमोनियाबाट सुरक्षित रहने उपायलगायतका विवध विषयमा कुराकानी गरेका छन् । 

यतिबेला जाडो मौसम छ । फोक्सोमा कस्ता किसिमका समस्याहरु देखिन सक्छन् ? 
फोक्सोमा कतिपय रोगहरु त दिर्घकालिन नै हुन्छन् । जस्तै, सिओपीडी क्रोनिक अब्सट्रक्टिभ पल्मोनरी डिजिज दिर्घकालिन रोग नै हुन् । साधारण भाषामा त्यसलाई दम भनिन्छ । अन्य एलर्जी दमहरु पनि हुन सक्छन् ।  यस्ता रोगहरु धेरैजसो बल्जिने खालका छन् ।

जाडो याममा मानव शरीरहरुमा हावा जाने नलीहरु सुनिने किसिमको भएकाले समस्या आउने हो । बिशेषगरी चिसोमा हावा अलिकति ड्राइ नेचरको हुने र त्यसले नलीलाई अलिकति समस्या गराउने गर्छ । हावा जाने नलीहरु धेरै इन्जर्ड भएर समस्या बल्झिने गर्छ । इन्फेक्सनहरु पनि कमन्ली यो टाइममा देखिन्छ । स्वासप्रश्वास नलीको इन्फेक्सनहरु, ब्रोनक्राइटिस पनि कतिपय अवस्थामा एलर्जीकै कारण हुनेगर्छ । सम्बन्धित अर्गानिजममा किटानुले समस्या निम्त्याउन सक्छ । निमोनियाहरु पनि ब्याक्ट्रेरियल र भाइरल निमोनियाहरु देखिनसक्छ ।

त्यति मात्रै होइन ढुसी, फगंल इन्फेक्सनहरु पनि यस्तैबेला देखिन्छ  । हुन त अरुबेला पनि फगंल इन्फेक्सनहरु रोगसंग लड्ने क्षमता कम हुने समयमा बढी पोलिफ्रेड हुन्छन् । तर यिनीहरु जाडोकै समयमा देखिनसक्छ । समग्रमा भन्नुपर्दा यो चिसो समयमा सबै रोगहरु बल्जिने समस्या भइरहन्छ ।   

चिसोको कारणले फोक्सोमा देखिने समस्यामा कुनै उमेर विशेष हुन्छ ? वा कुन उमेरका व्यक्तिहरुलाई बढी जोखिम हुन्छ ?
यस विषयमा कुरा गर्दा विषेशगरी भन्ने हो भने रोगसंग लड्ने प्रतिरोधात्मक क्षमतामै भरपर्ने कुरा हो । एक्सट्रिम अफ एज भनिन्छ नि साना उमेरका र उमेर बढी भएकाहरुको रोगसंग लड्ने क्षमता कम हुन्छ । त्यही भएर समस्या देखिने गर्छ ।

कम उमेर समूह भएका मानिसहरुको प्रतिरोधात्मक क्षमता बढी हुन्छ । त्यसैले उनीहरुमा फोक्सो सम्बन्धि समस्या कम देखिन्छ । मानिसहरुले रोगसंग लडने क्षमता कम गराउन औषधिहरु खाइरहेकाहरु हुन्छन । डाइबेटिज जस्ता समस्याले रोगसंग लड्ने क्षमता कम हुन्छ र यस्ता मान्छेहरुमा दिर्घकालिन रोगहरु किड्नीको समस्या देखिनसक्छ । कतिपयले बाथ रोगका कारण औषधि खाइरहेकाहरु हुन्छन् । जसका कारण रोगसंग लड्ने क्षमताहरु घटाइदिन्छ । त्यस्तोमा फोक्सो सम्बन्धि इनफेक्सनहरु बढी देखिने चान्स हुन्छ ।

यसबर्षको हिउँदमा लामो समयदेखि बर्षा भएको छैन्, वायू प्रदूषण बढेको छ । यसले मानव स्वास्थ्यमा कस्तो असर पारिरहेको छ ?
पोलुसनले शरीरका कुनैपनि अंगलाई राम्रो गर्दैन् । अब स्वासप्रस्वासको कुरा चाहीं कस्तो हो भने हाम्रो नाक–मुखबाट जाने हावा नै प्रमुख कुरा हो । बाहिरी वातावरणसँग टच हुने कुरा हो । त्यसकारण मानव स्वास्थ्यमा यसको प्रभाव बढी हुनसक्छ । यसबारे सुरुमा पनि मैंले भने अलिकति चिसो समयमा ड्राइ एयरका कारण असर देखिने हो । ड्राइ एयरमाथि पनि पोलुसनयुक्त जुन वातावरण छ त्यो घातक हुन्छ । त्यस्तो बेला कणहरु हावा जाने नलीहरुमा छिरेर त्यसले झन बढी असर गर्नका साथै अझ अरु रोगहरु पनि निम्त्याउन सक्छ । 

त्यसोभए चिसो र प्रदूषणबाट फोक्सोलाई कसरी स्वस्थ्य राख्ने ?
सबैभन्दा प्रभावकारी भनेको त मास्क नै हो । पहिलादेखि नै प्रयोग भएपनि कोभिड महामारीपछि मास्कको प्रयोग अलि बढेको छ । मास्कको पनि विभिन्न प्रकारहरु छन् । क्लोथवाला मास्क छन, सर्जिकल मास्क प्रयोग भइरहेको हुन्छ । अन्य प्रकारका पनि छन् । फोक्सो जोगाउनका लागि स्वस्थ्य जीवनशैली नै अपनाउने हो । धुम्रपान र मध्यपान नगर्ने त्यसैगरी व्यायाम पनि गर्नुपर्ने हुन्छ । त्यसले मानव स्वास्थ्यमा राम्रै सहयोग पुर्याउँछ । 
अर्को कुराचाँही जाडोबाट जोगिनको लागि धेरै लेयरका लुगा लगाउने चलन छ ।

एउटै लगाउने पनि गरिन्छ । तर लुगा बाक्लो लगाउने भन्दा पनि न्यानो लगाउनु राम्रो हुन्छ । धेरै लेयरको लुगा लगाउँदा त्यसले इन्सुलेटको कामहरु पनि गरिराखेको हुन्छ । एउटाबाट छिरेको चिसो अर्कोले छेक्छ । अर्को भनेको चिसो धेरै भयो भनेर एयर कन्डिसनर राख्ने गरिन्छ । एयर कन्डिसनर कै प्रभाव पनि कति छ त भन्ने पनि अध्ययन भइरहेको पाइन्छ । बाहिर एकदमै १० डिग्री सेन्टिग्रेटको चिसो छ र घरमा चाहीं २४ डिग्रीमा तताइराखेको छ भने त्यसले पनि असर गर्छ । अरु रोकथामको लगि भनेको त भ्यासिनहरु लगाउन सकिन्छ । 

जाडो याममा विहानीपख बाहिर व्यायाम गर्नु वा मर्निङ वाक जानु कति उचित छ ?
व्यायाम गर्न, मर्निङवाक गर्न उचित नहुने भन्ने छैन् । व्यायामको कुनै पनि नकरात्मक असर छैन् । खासगरी चिसोबाट चाँही बच्नुपर्छ । तापक्रम व्यवस्थापन गरेर व्यायाम गर्यो भने पनि झनै राम्रो हुन्छ । बिहानको समयमा नै गर्ने हो भने पनि ठिकै छ । बेलुकीको समयमा गर्ने हो भनेपनि ठिकै छ । व्यायामका कारण शरीरलाई कुनै हानी छैन् । फोक्सोको समस्या हुनेहरुले पनि मजाले व्यायाम गर्न मिल्छ । तर सकि नसकि गर्नुपर्छ भन्ने चाहीं छैन् । बाहिर गएर दौडिन नै पर्छ भन्ने चाँही छैन् । शरीरको आंैलाहरु चलाउने गर्नुपर्छ, हिडाइको स्पिड मात्रै बढाउने हो भने पनि त्यसले राम्रो हुन्छ ।

विशेषगरी दमका रोगीहरु चिसो मौसममा कसरी जोगिन सक्छन् । खानपानमा केही ध्यान दिनुपर्छ कि ?
चिसो समयमा बढी प्रदूषणको लेबलहरु पनि बढ्दै जान्छ । आगो ताप्ने चलन छ त्यसबाट कार्बन डाइयाक्साइड बनिरहेको हुन्छ । त्यसले पनि समस्या गराउनसक्छ । नत्र त चिसो र गर्मी दुवै जोखिमयुक्त नै हुन्छन् । चिसोको समयमा बढी समस्या हुनसक्छ । किनकी प्रदुषणको लेबल पनि बढ्छ  । बच्नको लागि त न्यानो भएर बस्ने हो, स्वास्थ्य जीवनशैली अपनाउने हो र व्यायाम गरिरहने हो । व्यालेन्स डाइटहरु खाने गर्नुपर्छ । जाडोमा दमका बिरामीहरुमा कार्बन डाइयाक्साइड बढ्नसक्छ । कार्बोहाइड्रेट अहिलकति कम भएको खानपान गर्ने कन्सेप्टहरु पनि थियो । तर आजभोली त्यो कन्सेप्ट हट्दै गएको छ । र प्रोटिनयुक्त खानेकुराहरु जुन हाम्रो मसलहरुलाई चाहिने हुन्छन् त्यस्तो खानपान र स्वस्थ जीवनका लागि साग सब्जीहरु बढी खाँदा राम्रो हुन्छ । विशेषजगरी खानाहरु सादा र प्रोटियुक्त खानु नै राम्रो हुन्छ । फोक्सोको हिसाबले डाइटमा यो खाने त्यो नखाने भन्दा पनि आफूलाई एलर्जी गराउने कुराहरु बार्नुपर्छ । खान हुने नहुने भन्ने चाहीं त्यस्तो खास छैन् । 

जाडोमा विशेषगरी निमोनिया धेरै हुने गरेको पाइन्छ । यसको मुख्य कारण के हो र यसका लक्ष्यणहरु के के हुन्छन् ? 
फोक्सो सुन्निने अवस्थालाई निमोनिया भनिने हो । यसमा धेरैजसो कारण इन्फेक्सन नै हो । निमोनिया भाइरस, ब्याक्टेरिया, फक्गलले गर्दा हुन्छ । निमोनिया टिपिकल र अटिपिकल निमोनिया भन्ने हुन्छन् ।
टिपिकल निमोनियामा ज्वरो, खोकी, खकार आउने, सास फेर्न गार्हो हुने, कसैलाई छाती दुख्ने, वाक वाक लाग्ने, जिउ दुख्ने समस्याहरु हुन्छ । एक्सरे गर्दा पनि टिपिकल फिचरहरु हुन्छन् । यसबाट दागहरु देखिने, इन्फेक्सन हुने वा पिपहरु जमेको हुन्छ । वास्तवमा फोक्सो भनेको बेलुन जस्तो हो । फोक्सोमा पिप जमेपछि सबै बेलुन भरिएको जस्तो देखिन्छ । कन्सोलिडेशन भन्ने फिचरहरु देखिन थाल्छ । 

जाडो महिनामा चाही किन यस्ता समस्याहरु बढी देखिन्छ ?
तापक्रमहरुले गर्दा इन्फेक्सन बढ्ने पनि हुन्छ । अर्को कुरा भनेको एकजना इन्फेक्सन भएको मान्छे आयो, बन्द कोठामा बसेको छ भने त्यो मान्छेले बोल्दा, हाच्छिउँ गर्दा, खोक्दा पनि भाइरसहरु आउने हुन्छ । चिसोमा बढी मात्रामा बन्द कोठामा बस्ने गरिन्छ यसकारण पनि अरुमा इन्फेक्सन सर्ने डर हुन्छ । 

बच्चाहरुमा निमोनियाको समस्या बढी देखिन्छ भनिन्छ । यसलाई कसरी हेर्नु हुन्छ ? 
अलिकति ज्वरो र खोकी लाग्ने वित्तिकै सबैलाई निमोनिया भयो भन्ने चलन छ । तर कतिपय अवस्थामा यो वास्तविक रुपमा निमोनिया नहुनसक्छ । कतिपय सानो बच्चाहरुमा एलर्जीको दम सानैदेखि देखिन्छ । पहिला चरणको एलर्जीलाई पनि निमोनिया भनेको पाउछौं । तर सानो उमेरमा रोगसँग लड्ने क्षमता कम नै हुने हुदाँ निमोनियाको खतरा रहन्छ नै । 

तपाईसँग चेकअप गराउन आउने बिरामीहरु मध्ये कस्तो खालको बिरामी बढी मात्रामा आइरहनुभएको छ ?
सबैभन्दा धेरै त धुम्रपानबाट हुने सिओपीडीका बिरामी छन् । सिओपीडी तहकै उपचार गराउने आउने गर्नुहुन्छ । त्यसको पनि क्राइट एरिया हुन्छ । सबै सिओपीडीका हुन्छन् भन्ने पनि हुदैँन् । अरु कारणले फोक्सोमा दागहरु हुनसक्छ जस्तो पोस्ट कोभिड, पोस्ट टिभीले गर्दा पनि फोक्सोमा दागहरु बन्छ । त्यसका कारणले पनि फोक्सो धेरै तन्किन पाउदैँन् । फोक्सो भनेको त इलास्टिक जस्तै हो तन्किने, खुम्चिने हुन्छ । दागहरु गर्दा फोक्सो धेरै तन्किन नपाएपछि स्वाँ–स्वाँ हुने धेरै सम्भावना हुन्छ । यस्तो खालको बिरामीलाई पनि सिओपीडी नै भनिन्छ । कतिपय त फोक्सो बाहेक मुटुहरुको कारणले गर्दाले पनि स्वाँ–स्वाँ हुनसक्छ । यसले ह्ृदयघात पनि हुनसक्छ । यस्तो प्रकारको रोगलाई पनि दम नै भनिन्छ । 

त्यही भएर बिरामीको अवस्थामा विभिन्न परिवर्तनहरु आइरहन्छ । समग्रमा भन्नु पर्दा सिओपीडीको समस्या धेरै चुरोटको धुँवा र दाउरामा खाना पकाउने कारणले हुन्छ । हावा जाने नलीहरु सुन्निएर बिग्रिदै गइरहेको हुन्छ । जसलाई सिओपीडी भनिन्छ र यही बिरामीहरु नै बढी देखिन्छन् । 

चाडो महिनामा बढी आगो ताप्ने गरिन्छ । साथै हिटर र गिजरको पनि बढी प्रयोग हुन्छ । यसले फोक्सोमा कस्तो खालको असर गर्छ र सुरक्षित रुपमा यसको प्रयोग कसरी गर्न सकिन्छ ? 
यसमा पहिलो दाउरा बाल्ने कुरालाई कम गर्नैपर्छ । पकाउनको लागि आगो बाल्ने कुरा त हराउनैपर्ने कुरा हो तर अझै पनि प्रयोगमा छ । आगो बालेको जुन ग्यास र फ्युजहरु हुन्छ त्यसले टक्सिक म्याटेरियल बोकेकै हुन्छन् । त्यसले गर्दा असर गरेकै हुन्छ । कणहरु सानो सानो हुन्छ र कणहरुको साइज अनुसार क्लासिफाई गरिएको हुन्छ । अल्ट्राफाइन पार्टिकल भनिन्छ नि त्यसमा ०.१ माइक्रोज भन्दा कम हुन्छ । तिनीहरु गएर हावा जाने नलीभित्रै कतै गएर अड्किन्छन् । सानो हुने भएकाले जहाँसम्म पुग्नुपर्ने त्यहाँसम्म नपुगेर बाहिरै फर्कन सक्छ । छिरेर सिधैं रगतकै नलीसम्म क्यापिलरिसम्म नै गएमा त्यसले असर गर्छ । हावा जाने नलीमा समस्या हुन्छ र त्यसले स्वास्थ्यमा असर देखिन्छ । त्यस्तो असर दोहोरिएपछि दागहरु बन्दै जान्छ । जुन थाक्न पाउँदैन् र दिर्घकालिन असर देखिन थाल्छ ।  

यस्तै ग्यास गिजर र अरु खालका गिजरहरु जुन छन् जसले स्मोक प्रड्युस गर्दैन् ।  तीनिहरुले पनि टेम्परेचरलाई ड्राइ बनाइदिन्छ । ड्राइ एयर कन्डिसनरले पनि समस्या निम्त्याउन सक्छ । एयर कन्डिसनरले पनि ड्राइ एयरहरु निकालिरहेकै हुन्छ । तीनिहरुले पनि हावा जाने नलीलाई विस्तारै असर पुर्याउनसक्छ । 

नेपालमा फोक्सो सम्बन्धि सबै उपचार संभव छ ? 
विदेशतिर फोक्सो प्रत्यारोपण हुने गरेको पाइन्छ । तर नेपालमा बल्ल त किड्नीको  प्रत्यारोपण सुरु भएको छ । कतिपय रोगको उपचार प्रत्यारोपणबाट मात्रै हुन्छ । कतिपयमा लामो प्रत्यारोपण नै गुर्नपर्ने अवस्था छ । नेपाल अहिले फोक्सो प्रत्यारोपणमा गएको छैन ।  कतिपय रोगहरुको उपचार भनेको प्रत्यारोपण नै हुन्छ । कतिको त फोक्सो प्रत्यारोपण नै गर्नुपर्ने अवस्था आउँछ । त्यस्तो व्यवस्था छैन् नेपालमा । नेपालमा ट्रान्सप्लान्ट रोगको उपचार नै छैन । तर थामथुम गर्नको लागि औषधिहरु पर्याप्त छन् ।

तर लामो समयका लागि प्रत्यारोपण गर्ने विधि नेपालमा छँदैछैन । फोक्सो प्रत्यारोपण नभएको त होइन तर त्यसको लागि नेपालमा सेवा सुविधा नै छैन । प्रत्यारोपण जस्तो विधिलाई बलियो बनाउँदै लानुपर्ने हुन्छ । यसको लागि सरकारले पनि ध्यान दिनुपर्छ । कतिपय कुराहरुमा चाँही खर्चको कुरा पनि हुन्छन् । किनकी फोक्सोको उपचार गराउनुभएका कतिपय विरामीहरु दोहोरिएर डाक्टरको आइरहनुभएको हुन्छ । कतिपय कुराहरु मोनिटरिङ गराइराख्नुपर्ने हुन्छ । हेर्नका लागि सिटी स्क्यान नै गर्नुपर्ने हुन्छ । सिटी स्क्यान त्यति सस्तो पनि छैन । धेरै महंगो छ । भारतकै मेडिकल कलेजहरुको पनि हेर्ने हो सबैमा सिटी स्क्यानको मूल्य फरक फरक छ । कतिपय जानेको कुरा अप्लाई गर्नको लागि पनि गार्हो नै छ । अर्फोट गर्न सक्नेहरु पनि रिक्स लिन नचाहेर हो अथवा के कारणले हो बाहिरतिर पनि रिफर गरिरहेका हुन्छन् । तर धेरै ठूलोको उपचार नेपालमा गर्न नसकिए पनि साधन स्रोत भए गर्न सम्भव छ अहिले पनि । 

भनेपछि हजुरलाई स्वास्थ्य क्षेत्र सरकारको प्राथमिकतामा नपरेको भन्ने नै लाग्छ ?
होइन भन्न पनि सकिँदैन । किनकी कतिपय कुरा सम्भव देखिन्छ । सानो छ तर  किन भइराखेको छैन् भनेर बुझ्नुपर्ने हुन्छ । तल बसेरै यस्तो भएन, उस्तो भएन भन्न त सजिलै छ । कामहरु गर्न सहज नहुन सक्छ । तर कतिपय सम्भव भएका कामहरु पनि भइरहेको पाइदैन् । हाल बीमा कार्यक्रम आएपछि केही राम्रो भएको छ । यसले  धेरै उपचार गर्न नसक्नेले पनि उपचार गराउन पाएका छन् । तर बीमाले मात्र पुगिरहेको छैन । सबैले बीमाको पनि उपभोग गर्न पाएका छैनन् । सबैमा चेतना पुग्न नसकेर पनि हुनसक्छ  । 

सरकारले के–के कुरामा ध्यान दिनुपर्छ ?
सरकारले गर्ने भनेको त जनचेतना नै बढाउँदै जाने हो । यसमा सहभागिता जनाउनुस्, भेटनुस्, गर्नुस् भनेर भन्ने कुरा मात्रै हो । तर सरकारले त्यो बाहेक त केही गर्न सक्दैन । म्यानपावरहरुलाई पनि युटिलाइज गराउन सक्नुपर्छ । किनभने धेरैजसो मेजर सिटीमा मात्र सुविधा लिइरहेको पाइन्छ । सबै ठाउँमा सेवा सुविधा पुर्याउन सके धेरै सजिलो हुन्थ्यो । 
समग्रमा भन्नुपर्दा आफ्नो स्वस्थ्यको ख्याल गर्ने भनेको चाहीं स्वस्थ्य खानेकुरा खाने विषयमा विशेष ख्याल दिनुपर्ने हुन्छ । चुरोट, रक्सीबाट टाढै रहनुपर्छ । स्वास्थ्यलाई बचाउनको लागि साधारण फेस मास्क प्रयोग गर्नु राम्रो हुन्छ ।– नेपाल न्यूज बैकं