गणेश डाँगी 'गगन' को 'तिम्रो मायामा अन्धो भएछु' सार्वजनिक

दाङ । विगत लामो समयदेखि निरन्तर रूपमा नेपाली साङ्गीतिक क्षेत्रमा चम्किरहेका गणेश डाँगी 'गगन'को नयाँ साङ्गीतिक कोसेली 'तिम्रो मायामा अन्धो भएछु' सार्वजनिक गरिएको छ। गणेश डाँगीले यसअघि दर्जनौँ गीतमा स्वर सहित शब्द सङ्गीत समेत गरिसकेका छन् ।

गणेश डाँगी गगन नामक युट्युब च्यानल बाट सार्वजनिक भएको गीतमा गणेश डाँगी गगन र सुनिता बुढा क्षेत्रीको स्वर रहेको छ भने एरेन्ज रेकर्ड मिक्सिङ हेमराज डाँगीले गरेका हुन्। 

यस गीतमा गणेश डाँगी गगनकै लय शब्द रहेको छ। दाङ सल्यान र रोल्पाको विभिन्न ठाउँमा छायांकन गरेको गीतमा गायक स्वयं गणेश र बिमला थापा मगरको अभिनय रहेको  गीतको निर्देशन गायक आफैले गरेका छन् कोरियोग्राफी सम्पादन र कलरको काम भने अभिषेक मल्लले गरेका छन् ।

क्यामरा तथा  ड्रोन मित्रबाबुले चलाएका हुन् भने व्यवस्थापकको रूपमा सरोज रेग्मीले सहयोग गरेका हुन् ।  गीत रेकर्ड काठमाडौँ  मालिका स्टुडियो मा गरिएको हो भने पोस्ट प्रोडक्सन स्मार्ट फिल्म स्टुडियोले गरेको हो।

गीतको रिदममा मेघराज लुङ्गेली, बाँसुरी गोपाल देव र सारङ्गी हेमन्त कान्छा रसाइलीले बजाएका हुन् भने  सुजन रेग्मीले पोस्टर डिजाइन गरेका हुन् । यस गीतको  मिडिया सहयोगीको रूपमा लक्ष्मीनारायण मिडिया प्रा.ली. तुलसीपुर दाङ रहेको छ।