बुटवल । चर्चित गायक दिपक बज्रचार्यसहित उनको द रिदम ब्याण्डसँग बुटवलकाे औद्योगिक व्यापार मेलामा शुक्रबार दर्शक झुमेका छन् । नेपाली मौलिक बाजा र पप म्युजिकको फ्युजनसहित नेवारी धिमे बाजा र लाखे नाचसहित दर्शकलाई डेढ घण्टा लामो साँगेतिक प्रस्तुती दिएका उनले शुक्रबारको चिसो साझलाई तताएका थिए ।
दिनभरदेखि पर्खाईमा रहेका दर्शकलाई साँझको ७ बज्न १५ मिनेट बाँकीहुँदा स्टेज प्रवेश गरेका बज्रचार्यले "म त हावासँगै आउछु.." गीतबाट साँगेतिक माहोल बनाउँदै गर्दा प्रदर्शनी स्थल चर्को सिटी र हुटिङले गुञ्जायस बनेको थियो । रातको साढे ८ बजेसम्मै दर्शकले उनलाई साथ दिएका थिए ।
म कुनै रितु हाेईन..., कालिकालि हिस्सी परेकी..., मायाको डोरीले लगायतका आधा दर्जन गीतसँगै धिमे बाजा र लाखे नाचमा दर्शकको हुटिङ आउँदै गर्दा सुरक्षाकर्मीलाई समेत माहोल सम्हाल्न हम्मे हम्मे परेको थियो । शुक्रबार साँस्कृतिक कार्यक्रम अन्तरगत लोक तथा दोहोरी गायिका सर्मिला विसी, विन्दु परियार, रामेश्वर ढकाल लगायतका कलाकारहरुको समेत प्रस्तुती रहेको थियो ।
त्यस्तैगरी विद्यालय स्तरीय लोक नृत्य प्रतियोगिता, खुला लोक दोहोरी गीत प्रतियोगिता र भ्वाईस अफ बुटवल, डान्स च्याम्स अफ बुटवल प्रतियोगिता सम्पन्न भएको साँस्कृतिक उपसमितिका संयोजक निर्मित कसजुले जानकारी दिए ।
त्यसैगरी शनिबार) लोक तथा दोहोरी गायिका शान्ति श्री परियार, दामोदर बस्याल, शिलु भट्टराई, योगराज पोखरेल, गणेश अधिकारी, हास्य कलाकार कमल भट्टराई र विजय बमरेल तथा डान्सर निष्ठा पुन र मनिसा बस्यालको प्रस्तुती साँस्कृतिक उपसमितिका सहसंयोजक दिपक कार्कीले जानकारी दिए ।
यस्तै खुला लोक दोहोरी प्रतियोगिता, विद्यालय स्तरीय लोक नृत्य प्रतियोगिता तथा भ्वाईस अफ बुटवल लगायतका प्रतियोगिता हुने सह संयोजक सुमन श्रेष्ठले बताए । ‘लगानी लुम्बिनीमा, समृद्धि देशमा’ भन्ने मूल नारासहित यहि पुसको ३ देखि १८ गतेसम्म सञ्चालन हुने मेलामा ५ सय स्टल छन् । मेलामा औद्योगिक प्रदर्शनी, हस्तकला प्रदर्शनी, कृषि प्रदर्शनी र प्रविधिको प्रदर्शनी तथा विक्रि वितरण, विभिन्न विधामा प्रतियोगितात्मक कार्यक्रम सहित सांस्कृतिक सांगितिक कार्यक्रम भईरहेको मेला कार्यसम्पादन समितिका सदस्य तथा प्रचार प्रसार उपसमितिका संयोजक दीपकप्रसाद चापागाईंले जानकारी गराए ।
युनिकोड
मिति रूपान्तरण
ग्लोबल आवाज
प्रतिक्रिया