रुपन्देहीमा चौथो युवा उद्यमी सम्मेलन हुँदै, गगन थापा प्रमुख वक्ता

अर्जुनदृष्टि /बुटवल । नेपाली युवा उद्यमी मञ्च रुपन्देहीको आयोजनामा राजधानी बाहिर चौथो पटक युवा उद्यमी सम्मेलन हुने भएकोछ।

आगामी  पुष ६ गते तिलोत्तमा नगरपालिकाको कोटीहवामा रहेको टाइगर प्यालेस रिसोर्टमा सम्मेलन आयोजना हुनेछ । युवा उद्यमी सम्मेलनमा देशभरबाट युवा उद्यमीहरुको सहभागीता रहने आयोजकले जानकारी दिएकोछ ।

युवा उद्यमशिलता विकास गर्ने, नयाँ उद्यमीहरुको खोजी तथा मुलुक भित्र प्रयाप्त अवसर, संभावनाको खोजी गरि आम युवाहरूलाई मुलुक भित्र आफ्नो सुनौलो भविष्य खोज्न सम्मेलन केन्द्रित हुने नेपाली युवा उद्दमी मञ्च रुपन्देहीका अध्यक्ष रिशव ओझाले बताए । उनले उद्दमशिलताका विभिन्न  विषयमा स्थानीय सरकार, प्रदेश सरकार, संघीय सरकार, राजनैतिक दल,   युवासग सम्बन्धित सरोकारवाला निकाय, उद्यमशिलता प्रोत्साहन र निर्माणमा लागेका अभियान्ताहरु सबैलाई यो सम्मेलनले युवा उद्दमशिलतालाइ अझै प्रबर्द्धन, विकास र  विस्तार गर्नेमा फलदायी हुने विस्वास व्यक्त गरे।

स्वदेश मै युवा उद्यमशिलता जागरण पैदा गर्नको लागि राजधानी बाहिर मोफसलमा चौथौ पटक सम्मेलन हुन थालेको सम्मेलन संयोजक प्रविना घिमिरेले बताए ।  विभिन्न सफल उद्यमीले आफ्नो प्रस्तुतीहरु दिनुहुने सम्मेलनमा देशभरबाट ४ सय ५० भन्दा बढी युवा उद्यमीहरुको सहभागीता हुने उनले जानकारी दिए।  सम्मेलनको प्रमुख अतिथिको रुपमा नेपाली काङ्ग्रेस महामन्त्री युवा नेता गगन कुमार थापा आउने छन् ।   किनोट स्पिकरको रुपमा वल्ड लिक कम्युकेशन प्रालीका दिलीप अग्रवालले उद्दमशिलता सम्बन्धि आफ्नो विशेष प्रस्तुती दिने उनले बताए। सम्मेलनको सम्पुर्ण तयारी अन्तिम चरणमा पुगेको उनले जानकारी गराए।

 युवा उद्दमी मन्च रुपन्देही उपाध्यक्ष अनिस कसौधनका अनुसार सम्मेलनमा विभिन्न सफल उद्दमीले प्रेरणादायी आफ्नो अनुभव शेयरिङ्ग गर्ने कार्यक्रम रहेकोछ।  उनले यो सेसनमा माउन्ट एभरेष्ट कथ्था प्रालीका अध्यक्ष बसन्त रोक्का र  सिद्धार्थ ग्रुपका अध्यक्ष  चिन्तामणि न्यौपाने आफ्नो प्रेरणादायी प्रस्तुती रहने जानकारी दिए।

सम्मेलनमा अर्को महत्त्वपूर्ण सेसन उद्दमशिलता यात्राको बारेमा जानकारीमुलक शेयरिङ्ग गर्ने कार्यक्रम रहेकोछ । यो सेसनमा  सिंहापुर बेभेरेज नेपालका सस्थापकर प्रबन्ध  निर्देशक आशिष शर्मा,  पहाडी फुडसका सस्थापकर प्रबन्ध  निर्देशक प्रसान्त घिमिरे, मेरो किनमेलक को(फाउन्डर सिइओ सन्तोष कण्डेल  रहने छन् ।

त्यस्तै सम्मेलनको अर्को महत्त्वपूर्ण कार्यक्रम प्यानल डिस्कसन रहेको छ।  स्वदेश मै उद्दमशिलता कसरी निर्माण गर्ने, अवसर कहा छ र संभावना के छ ? त्यसलाई कसरी प्राप्त गर्न सकिन्छ भन्ने थिममा एक प्यानेल डिसकसन हुनेछ । प्यानेल डिसकसनमा सिद्धीविनाय मोटोक्रोपका अध्यक्ष सुनिल कसजु, नेपाल टुरिज्म बोर्डको प्रबन्धक शारदा श्रेष्ठ , कोकाकोला बेभेरेज नेपालको पब्लिक अफय्रेस एन्द कमिनिकेसन निर्देशक स्नेह राजभण्डारी, कामना सेवा विकास बैंकका अध्यक्ष सुदिप आर्चाय रहनुहुने आयोजकले जानकारी दिएको छ । प्यानल डिसकसनको मोडेरेटरको भुमिकामा निसान्त खनाल रहने छन् ।

मिस नेपाल (अरथ) २०२०सुप्रीया श्रेष्ठ सम्मेलनको कार्यक्रम उद्घघोषकको भुमिकामा रहने छिन् । चौथो युवा सम्मेलनबाट बिषेशगरी युवा उद्यमीहरुको बीचमा सम्पर्क सन्जाल विस्तार, नयाँ आउन लागेका नवोदित उद्यमीहरुको बीचमा प्रेरणादायी सम्बन्ध बिस्तारका साथै व्यवसायिक भावनाको एकता, नयाँ व्यवसाय सुरुवातको प्रक्रिया, अवसर, चुनौतिको विषयमा छुट्टाछुट्टै छलफल गरि निचोडमा एक घोषणा पत्र जारी गरि सम्मेलन सम्पन्न हुने अध्यक्ष रिशव ओझाले जानकारी गराए ।