लुम्बिनी लायन्सले प्रस्तुत गर्यो १९२ रनको बलियो लक्ष्य

बुटवल । काठमाडौंमा जारी नेपाल प्रिमियर लिग (एनपिएल)मा टस हारेर पहिले ब्याटिङ गरेको लुम्बिनी लायन्सले १९२ रनको बलियो लक्ष्य प्रस्तुत गरेको छ । टियुको अन्तर्राष्ट्रिय क्रिकेट मैदानमा जारी प्रतियोगितामा टस हारेर विराटनगर किंसले बलिङ रोजेपछि लुम्बिनी ब्याटिङमा उत्रिएको थियो । 

लुम्बिनीले निर्धारित २० ओभरमा ७ विकेट गुमाएर १९१ रन जोडेको हो । लगातार दुई खेल हारेको विराटनगर पहिलो जितको खोजीमा छ । विराटनगर यसअघि जनकपुरसँग ८ विकेटले तथा सुदूरपश्चिमसँग ९० रनले पराजित भएको थियो । लुम्बिनीमा कप्तान रोहित शर्मा छन् भने विराटनगरमा सन्दिप लामिछाने छन् ।