टस जितेर पोखरा एभेन्जर्सले चितवनविरुद्ध पहिला फिल्डिङ गर्दै

बुटवल । नेपाल प्रिमियर लिग (एनपिएल) मा आजको दोस्रो खेलमा पोखरा एभेन्जर्स र चितवन राइनोजले प्रतिस्पर्धा गर्दै छन् । कृतिपुरस्थित टियुको अन्तर्राष्ट्रिय क्रिमेट मैदानमा टस जितेर पोखराका क्याप्टेन कुशल भुर्तेलले पहिला फिल्डिङ रोजेपछि कुशल मल्लको चितवन राइनोजले ब्याटिङ गर्दै छ । 

चितवनको यो दोस्रो खेल हो भने पोखराको पहिलो खेल हो । यसअघि काठमान्डु गुर्खाजविरुद्ध जित दर्ता गरेको चितवनले आफ्नो लयलाई कायम राख्न चाहन्छ । आजै भएको पहिलो खेला सुदूरपश्चिम रोयल्सले विराटनगर किंग्सलाई ९० रनले पराजित गरेको छ । सुदूरपश्चिमले पहिलो खेलमा जित दर्ता गर्दा विराटनगर भने लगातार दोस्रो पटक पराजित भएको हो ।