सान्सफ्रान्सिस्कोमा ग्लोबल नेपाली फिल्म अवार्ड हुने

अमेरिका । अमेरिकाको क्यालिफोर्निया राज्यको सान्सफ्रान्सिस्को शहरमा ग्लोबल नेपाली फिल्म अवार्ड आयोजना हुने भएको छ । गैर नाफामूलक संस्थाको रुपमा दर्ता भएको हिमालयन फाउन्डेसन कर्पोरेसनले अन्य सङ्घ संस्थाहरूसँगको सहकार्यमा फिल्म अवार्ड आयोजना गर्न लागेको हो । नेपाली चलचित्रको प्रचार प्रसार र प्रवर्द्धनका साथै नेपाली चलचित्र क्षेत्रको अन्तर्राष्ट्रियकरणका लागि सहयोगी बन्ने उद्देश्यले अवार्ड आयोजना गर्न लागिएको हिमालय कर्पोरेसनका संस्थापक यज्ञलाल श्रेष्ठले जानकारी दिए ।

अंग्रेजी नयाँ वर्ष र क्रिसमसको पूर्व सन्ध्यामा डिसेम्बर २१ म अवार्ड आयोजना ागर्न लागिएको आयोजकले जानकारी गराएको छ । अवार्ड आयोजनामा गोल्डन नेपाली मुभी मेकर एलएलसी,सोनामे एलएलसी,राजपूत ग्रुप एलएलसी र लेटी लको सहकार्य रहेको छ । अवार्ड कार्यक्रममा नेपाली चलचित्र क्षेत्र सँग सम्बन्धित कलाकारहरूको सहभागिता रहने आयोजकले जानकारी गराएको छ । 

अवार्ड सँगै आयोजकले डिसेम्बर २२ मा नेपाल परेडको समेत आयोजना गरेका छन् । अवार्डको लागि आवश्यक तयारीको काम द्रुत गतिमा अघि बढिरहेको र अवार्ड तथा परेडमा सहभागि आयोजक मध्येका एक रविराज सिंह बस्नेतले सबैमा आग्रह गरेका छन् ।