भारतबाट सिधै पोखरा विमानस्थलमा पहिलोपटक जहाज अवतरण

पोखरा । भारतको नयाँ दिल्लीबाट आएको जहाज पोखरा अन्तर्राष्ट्रिय विमानस्थलमा पहिलपटक ओर्लिएको छ । युरोपेली कम्पनी जेल एयरको सिंगल इन्जिन निजी जेट विमान बिहीबार पोखरा आएको हो ।पोखरा अन्तर्राष्ट्रिय विमानस्थलकी प्रवक्ता जशोदा सुवेदीका अनुसार चालक दलका सदस्यसहित ४ यात्रु लिएर विमान बिहीबार साँझ पौने ६ बजे बजे पोखरा विमानस्थलमा उत्रेको हो । विमान आज राति पोखरामै बसेर शुक्रबार बंगलादेश जाने तय भएको छ ।

पोखरा विमानस्थलमा अन्तर्राष्ट्रिय व्यावसायिक उडान भने अहिलेसम्म हुन सकेको छैन । पोखरामा यसअघि विभिन्न देशबाट ९ वटा चार्टर उडानहरू भएका छन् ।

यही पुस ११ गते चीनको सिचुवान एयरलाइन्सको चार्टर विमान पोखरामा हुने ड्रागन बोट रेसमा सहभागी हुन खेलाडी लिएर पोखरा अन्तर्राष्ट्रिय विमानस्थलमा ओर्लने तालिका समेत रहेकाे छ ।