लुम्बिनी सिटी क्याम्पसमा रक्तदान, ५१ युनिट संकलन

बुटवल । लुम्बिनी बौद्ध विश्वविद्यालयको २० ‍औ वार्षिकोत्सवको अवसरमा आज विहिबार बुटवल सिटी क्याम्पसमा आयोजना भएको रक्तदान कार्यक्रममा ५१ युनिट रगत संकलन भएको छ । रक्तसञ्चार केन्द्र बुटवलको प्राविधिक सहयोगमा भएको कार्यक्रममा शिक्षक कर्मचारी तथा विद्यार्थीहरुले रक्तदान गरेका थिए ।

विश्वविद्यालयले हरेक मंसिर १३ गते रक्तदान गर्दै आएको छ । विश्वविद्यालयले २० औ वार्षिकोत्सव तथा तेस्रो विशेष दीक्षान्त समारोह मंसिर १४ गते लुम्बिनीमा गर्दैछ । विश्वविद्यालयका कुलपति तथा प्रधानमन्त्री केपी शर्मा ओलीको अध्यक्षतामा हुने दीक्षान्तमा एक मानार्थ विद्यावारिधि, ५ विद्यावारिधिसहित २८९ विद्यार्थी दीक्षित हुँदैछन् ।

लुम्बिनीको अन्तराष्ट्रिय ध्यान केन्द्रमा कार्यक्रम हुन लागेको हो । प्रधानमन्त्री केपी शर्मा ओली शुक्रबार बिहान आउने कार्यक्रम रहेको छ । शिक्षामन्त्री एवं सहकुलपति विद्या भट्टराईसहितका अतिथितहरु लुम्बिनी आउनुभएको छ । कार्यक्रममा उपप्रधानमन्त्रीद्वय प्रकाशमान सिंह र विष्णु प्रसाद पौडेल पनि सहभागि हुनुहुनेछ ।