काठमाडौंमा आज एमालेको जागरण सभा

बुटवल । नेकपा एमालेले आज काठमाडौं उपत्यकामा जागरण सभा गर्दै छ । काठमाडौं, ललितपुर र भक्तपुर  जिल्ला कमिटीको आयोजनामा काठमाडौंको दरबारमार्गमा  जागरण सभा आयोजना हुने भएको हो । 

एमाले विधिको शासनमा  र कानुनी राज्यको मान्यतामा विश्वास गर्छ भन्ने सन्देश दिन जागरण सभा गर्न लागेको एमालेका नेताहरूले दाबी गरेका छन्। जनप्रदर्शनमा एमालेका जनवर्गीय सङ्गठनहरू युवा संघ नेपाल, जिफन्ट, अनेरास्ववियु, सम्पर्क मञ्चलगाय सबैजसो जनसङ्गठनलाई प्रदर्शनमा अनिवार्य उपस्थितिका लागि निर्देशन दिइएको छ। सभालाई प्रधानमन्त्रीसमेत रहेका पार्टी अध्यक्ष केपी शर्मा ओली र महासचिव शंकर पोखरेलले सम्बोधन गर्ने तयारी छ । जागरण सभालाई भव्य र व्यवस्थित बनाउन जनसङ्गठन र सम्पर्क मञ्च परिचालन गरेको  छ  ।

जागरण सभा संयोजन समितिका सहसंयोजक एवं नेकपा एमाले बागमती प्रदेश कमिटीका अध्यक्ष कैलाश ढुङ्गेलले जागरण सभा उपत्यकाका तीन जिल्लाको एमाले तागत देखिने बताए । काठमाडौंपछि देशैभर जागरण सभा आयोजना गर्ने तयारीमा एमाले रहेको छ ।