सुनसरीका ३९ वर्षीय कुलबहादुर बुटवलको तामनगरदेखि सम्पर्कविहिन

बुटवल । बुटवल उपमहानगरपालिका १२ तामनगरबाट सुनसरीका कुलबहादुर माझि सम्पर्कविहीन भएका छन् । सुनसरी जिल्ला बराह क्षेत्र नगरपालिका वडा ३ बाङ्ग स्थित स्थायी घर भएका ३९ वर्षीय माझी बुटवलको तामनगरमा मिस्त्री सम्बन्धी काम गर्न भनी घरबाट आएको उनका भतिज सौगात माझिले बताए । 

बुटवल आएपछि केही दिन गरेको भएता पनि ५ दिनदेखि घरपरिवारसँग सम्पर्क नभएको र काकाले प्रयोग गर्ने फोन अफ भएको उनका भतिज सौगातले बताए । मानसिक रुपमा केही समस्या रहेता पनि यस भन्दा पहिला नियमित रुपमा नै घर भन्दा बाहिर गए पनि सम्पर्क गरिरहने भतिजले बताए । तर, यस पटक भने सम्पर्क नगरेको उनले बताए । 

साथै उनका भतिज सौगताले आफ्ना काकाको खोजि गरिदिनका लागि सबैमा अनुरोध गरेका छन् । उनले आफ्ना काकालाई कहि कतैदेखि नजिकैको प्रहरी कार्यालय सम्पर्क गरिदिन वा ९७४६४१७१२७, ९८२९३६९२९४ मा फोन गरि जानकारी गराउनमा सबैमा अपिल गरेका छन्  ।