विश्वकप लिग-२ : आज राती नेपाल र अमेरिका खेल्दै

बुटवल । विश्व कप लिग-२ : अन्तर्गतको त्रिकोणात्मक ओडिआई सिरिजमा नेपाल र घरेलु टोली अमेरिकाबीचको खेल नेपाली समय अनुसार आज (शनिवार) राती हुँदैछ । खेल नेपाली समय अनुसार शनिवार बेलुका ९ः१५ बजे टेक्सासस्थित ग्राण्ड प्रेरीमा सुरु हुनेछ। सिरिजमा अर्को टोली स्कटल्याण्ड छ ।

यो सिरिजमा नेपाल दोस्रो पटक अमेरिकासँग खेल्दैछ । आइतबार सिरिजको पहिलो खेलमा नेपाल अमेरिकासँग ३ विकेटले पराजित भएको थियो । बुधवार भएको खेलमा नेपालले स्कटल्याण्डलाई ५ विकेटले हराएको थियो । नेपालले सन् २०२७ सम्म चल्ने विश्व कप लिग टूमा ९ वटा त्रिकोणात्मक सिरिज खेल्नेछ । यो नेपालको तेस्रो सिरिज हो ।

नेपाल १० खेलमा २ जित, ७ हार र १ खेल रद्द हुँदा ५ अंक जोड्दै सातौं स्थानमा छ । ९ खेलमा ६ जित र ३ हार बेहोरेको अमेरिका १२ अंक सहित तालिकाको दोस्रो स्थानमा छ । नेपालले यो सिरिजको अन्तिम खेल कात्तिक १९ गते स्कटल्यान्डसँग खेल्नेछ ।

नेपालको टोली : आसिफ शेख, अनिल साह, कुशल भुर्तेल, भीम सार्की, रोहित पौडेल (कप्तान), कुशल मल्ल, आरिफ शेख, दीपेन्द्रसिंह ऐरी, गुल्सन झा, करण केसी, सोमपाल कामी, करण केसी, सन्दीप लामिछाने, ललित राजवंशी, अर्जुन साउद, देव खनाल (वैकल्पिक), सागर ढकाल (वैकल्पिक) ।