अन्तिम खेलमा ८ विकेटको जित दर्ता गर्दै नेपालद्वारा अमेरिका विरुद्ध टी-२० आई सिरिज क्लिन स्वीप

काठमाडौं । अमेरिकाविरुद्धको टी–२० आई सिरिज नेपालले क्लिनस्वीप गरेको छ । आज भएको तेस्रो तथा अन्तिम खेलमा ८ विकेटको जित निकालेसँगै नेपालले सिरिज क्लिनस्वीप गरेको हो ।

आजको खेलमा टस हारेर पहिले बलिङ गरेको नेपालले जितका लागि १५७ रनको लक्ष्य पाएको थियो । नेपालका लागि सोमपाल कामीले ३ विकेट लिए । यस्तै रिजन ढकाल र ललित राजवंशीले १(१ विकेट लिए ।

जबाफी ब्याटिङमा उत्रिएको नेपालकोतर्फबाट ओपनर आशिफ शेखले अर्धसतक प्रहार गरे भने कुशल मल्लले नटआउट ४४ रन, कुशल भुर्तेलले नटआउट ४० रन तथा ओपनर अनिल शाहले १३ रन बनाएका थिए ।